უკრაინის პრეზიდენტი ვოლოდიმირ ზელენსკი მოსკოვზე დრონებით თავდასხმას ეხმაურება. 

"წუხელ ჩვენმა შორი რადიუსის სანქციებმა კიდევ ერთხელ მიაღწია მოსკოვის ოლქს - ამ კვირაში უკვე მეორედ მიაყენეს დარტყმა მოსკოვის ნავთობგადამამუშავებელ ქარხანას. სამიზნეები განადგურდა როსტოვის ოლქსა და უკრაინის დროებით ოკუპირებულ ტერიტორიებზეც.

ეს არის სრულიად სამართლიანი პასუხი ჩვენს ქალაქებსა და დასახლებებზე თავდასხმებზე და ჩვენი სამხედროების მუშაობის კიდევ ერთი მნიშვნელოვანი შედეგი იმ ობიექტების წინააღმდეგ, რომლებიც რუსეთის სამხედრო მანქანას ასაზრდოებენ. მადლობას ვუხდი უკრაინის თავდაცვისა და უსაფრთხოების ძალებს კოორდინირებული ძალისხმევისთვის - უკრაინის უსაფრთხოების სამსახურს, უპილოტო სისტემების ძალებს, სპეციალური ოპერაციების ძალებს, სამხედრო დაზვერვასა და ჩვენს სარაკეტო ბრიგადას სიზუსტისთვის.

ბოლო დღეებში ჩვენმა ყველა პარტნიორმა აღნიშნა ჩვენი საშუალო რადიუსის დარტყმებისა და შორ რადიუსზე მოქმედი სანქციების სიზუსტე და ეფექტიანობა. დროა, ომი დასრულდეს და რუსეთმა დიპლომატიაში საჭირო ნაბიჯები გადადგას", - წერს ზელენსკი. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა