იმედი მაქვს, რომ 2028 წელს, როდესაც იქ ევროპის პოლიტიკური საზოგადოების სამიტი გაიმართება, აზერბაიჯანში ვიზიტის შესაძლებლობა მექნება. ამის შესახებ სომხეთის პრემიერ-მინისტრმა ნიკოლ ფაშინიანმა 4 მაისს ევროპის პოლიტიკური საზოგადოების მერვე სამიტის პლენარულ სხდომაზე განაცხადა.

მან გაიხსენა, რომ ეს პირველი შემთხვევაა, როდესაც აზერბაიჯანის პრეზიდენტი სომხეთში გამართულ ღონისძიებაში მონაწილეობს, თუმცა დისტანციურად.

ფაშინიანმა დასძინა, რომ სომხეთმა და აზერბაიჯანმა ერთმანეთის კანდიდატურები ევროპის პოლიტიკური საზოგადოების სამიტების მასპინძლობაზე მხარი დაუჭირეს.

მან ასევე აღნიშნა, რომ თურქეთის პრეზიდენტთან მისი პირველი შეხვედრა პრაღაში ევროპის პოლიტიკური საზოგადოების პირველი სამიტის ფარგლებში შედგა.

მისი თქმით, თურქეთის ვიცე-პრეზიდენტი დღეს ერევანში გამართულ სამიტში მონაწილეობს. ფაშინიანმა დასძინა, რომ ეს პირველი თურქეთის ვიცე-პრეზიდენტია, რომელიც სომხეთს ეწვევა.

ავტორი: ექსპრესნიუსი,

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა