დამასკოში, სირიის ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია.

სირიის შინაგან საქმეთა სამინისტროს ინფორმაციით, უსაფრთხოების ძალებმა საველე ოპერაციების დროს ორი ასაფეთქებელი მოწყობილობა აღმოაჩინეს, კომპეტენტურმა დანაყოფებმა დემონტაჟი დაიწყეს, რა დროსაც აფეთქება მოხდა.

უსაფრთხოების ძალებმა აფეთქების ადგილის გარშემო უსაფრთხოების კორდონი შექმნეს, სპეციალიზებულმა დანაყოფებმა კი ტერიტორიის დათვალიერება და დაცვა დაიწყეს. შემოწმების შედეგად დადგინდა, რომ ორი მოწყობილობა პრიმიტიული მეთოდით იყო დამზადებული. პირველი, გზის პირას გაჩერებულ მანქანაში იყო განთავსებული, ხოლო მეორე – ნაგვის კონტეინერში.

სამინისტროში აღნიშნეს, რომ თავდასხმის გარემოებების დასადგენად და მონაწილე პირების იდენტიფიცირებისთვის გამოძიება გრძელდება.

უწყებაში ადასტურებენ, რომ აფეთქების ადგილი საფრანგეთის პრეზიდენტის რეზიდენციისთვის გამოყოფილი უსაფრთხოების პერიმეტრის გარეთ მდებარეობს და არ წარმოადგენდა პირდაპირ საფრთხეს რეზიდენციისთვის ან ოფიციალური ვიზიტის პროგრამისთვის, რომელიც დაგეგმილი გრაფიკის მიხედვით გრძელდება.

ავტორი: ექსპრესნიუსი,

სოციალური ქსელები

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს