სომხეთსა და საქართველოს შორის ურთიერთობებს არაფერი აქვს საერთო მესამე მხარეებთან ურთიერთობებთან და ისინი სტრატეგიული და ძმური დარჩება. ამის შესახებ სომხეთის პრემიერ-მინისტრმა ნიკოლ ფაშინიანმა ბრიფინგზე განაცხადა, იტყობინება „არმენპრესი“.

რეპორტიორებმა პოლიტიკოსს სთხოვეს კომენტარი გაეკეთებინა მისი ქართველი კოლეგის, ირაკლი კობახიძის განცხადებაზე, რომ ევროკავშირი ვერ შეძლებს თბილისსა და ერევანს შორის ურთიერთობების გაწყვეტას. ფაშინიანმა უპასუხა:

„მე ნათლად განვაცხადე, რომ საქართველო ძალიან მნიშვნელოვან და საკვანძო როლს ასრულებს სომხეთ-ევროპის ურთიერთობებში და ჩვენ ძალიან შეშფოთებულები ვართ ამ სიტუაციით. ჩვენ გვჯერა, რომ ეს სიტუაცია უნდა მოგვარდეს“.

მან ასევე ხაზგასმით აღნიშნა, რომ თბილისსა და ერევანს შორის კავშირები „სტრატეგიული, გრძელვადიანი, ისტორიული და ძმური ხასიათისაა და ასეთად დარჩება“.

„სხვა სცენარი უბრალოდ არ შეიძლება იყოს“, - დასძინა ფაშინიანმა.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან