საქართველოს მეხუთე პრეზიდენტი, სალომე ზურაბიშვილი, მიიჩნევს, რომ ევროკავშირის სანქციების 21-ე პაკეტი აჩვენებს, რომ ქართული აქტივები გამოიყენება რუსული სამხედრო მანქანის მხარდასაჭერად. ამის შესახებ მან სოციალურ მედიაში დაწერა.

„ევროკავშირის სანქციების 21-ე პაკეტი ეროვნულ სირცხვილს ავლენს: ქართული აქტივები გამოიყენება რუსული სამხედრო მანქანის გასაძლიერებლად. კრემლისთვის სანქციებისგან თავის არიდების უფლების მიცემით, ხელისუფლებაში მყოფი პირები ღალატობენ ჩვენს სუვერენიტეტს.

საქართველოს ადგილი ევროპაშია და ჩვენ არასდროს გავხდებით რუსული აგრესიის უკანა კარი“, - წერს ზურაბიშვილი.

შეგახსენებთ, რომ რუსეთის წინააღმდეგ ევროკავშირის სანქციების 21-ე პაკეტი მოიცავს ყულევის ნავთობტერმინალსა და ნავთობგადამამუშავებელ კომპლექსს. ევროკავშირი აწესებს ტრანზაქციების აკრძალვას ქართულ საწარმოზე, რომელიც ექვს თვეში ამოქმედდება.

გარდა ამისა, ევროკავშირმა დააწესა სანქციები კრიპტოვალუტასთან დაკავშირებულ 14 პლატფორმაზე, მათ შორის საქართველოში რეგისტრირებულებზე.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საზოგადოებრივ მაუწყებელთან ონისე ოქრიაშვილის მხარდასაჭერად აქცია გამართა

საქართველომ უკრაინის მოქალაქეებს ფინანსური და სამედიცინო დახმარება გაუხანგრძლივა

ელენე ხოშტარიამ მხარი დაუჭირა ვიქტორ ყიფიანის ინიციატივას ოპოზიციის კონსოლიდაციის შესახებ

თიბისი კაპიტალმა მაკროეკონომიკური განახლება გამოაქვეყნა