უკრაინის პრეზიდენტი ვოლოდიმერ ზელენსკი აცხადებს, რომ კიევზე რუსი ოკუპანტების თავდასხმა უშედეგოდ არ დარჩება.

უკრაინის პრეზიდენტმა ვიდეო მიმართვა გაავრცელა სადაც ევროპას აშშ-ს და დანარჩენ მსოფლიოს კონსოლიდაციისკენ მოუწოდა.

"დღეს ღამიდან მოყოლებული ყველგან, სადაც საჭიროა, მაშველები და აუცილებელი სამსახურები მუშაობენ. ყველას, ვინც ამ დარტყმის შედეგად დაიჭრა, დახმარება გაეწევა. ეს ჩვენი მოვალეობაა და სახელმწიფო მას შეასრულებს. მადლობელი ვარ თითოეული მათგანის, ვინც დარტყმების შემდეგ ადგილებზე მუშაობს, რათა ჩვენს ხალხს დაეხმაროს.

ამ დროისთვის ცნობილია, რომ დღის დასაწყისიდან მოყოლებული სულ მცირე 83 ადამიანი დაშავდა. სამწუხაროდ, არიან დაღუპულებიც. ვუსამძიმრებ მათ ოჯახებსა და ახლობლებს. მძიმე დარტყმა იყო - სხვადასხვა ტიპის 90 რაკეტა, მათგან ბევრი ბალისტიკური 36 და 600 დრონი.

სამწუხაროდ, ყველა ბალისტიკური რაკეტის ჩამოგდება ვერ მოხერხდა. ყველაზე მეტი მოხვედრა კიევშია და სწორედ კიევი იყო ამ რუსული თავდასხმის მთავარი სამიზნე. პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“. სამი რუსული რაკეტა წყალმომარაგების ობიექტის წინააღმდეგ, დაწვა ბაზარი, დააზიანა ათობით საცხოვრებელი სახლი, რამდენიმე ჩვეულებრივი სკოლა.
გაუშვა თავისი „ორეშნიკი“ ბელაია ცერკოვის წინააღმდეგ.
რეალურად არაადეკვატურები არიან. მნიშვნელოვანია, რომ ეს რუსეთისთვის უშედეგოდ არ დარჩეს.

დღეს მსოფლიოში ყოველი ადამიანი, ვინც არ გაჩუმდება და ვინც უკრაინას დაეხმარება, სიცოცხლის დამცველია. ჩვენ ყველაფერს ვაკეთებთ მშვიდობის დასამყარებლად და ადამიანების დასაცავად.

მნიშვნელოვანია, რომ უკრაინა მარტო არ იყოს. საჭიროა გადაწყვეტილებები როგორც ამერიკის შეერთებული შტატებისგან, ისე ევროპისა და სხვებისგან, რათა მოსკოვში იმ ძველმა „ორეშნიკმა“ წარმოთქვას სიტყვა „მშვიდობა“. მადლობა ყველას, ვინც გვეხმარება! დიდება უკრაინას!" - განაცხადა ვოლოდიმერ ზელენსკიმ ვიდეომიმართვაში.

ავტორი: ექსპრესნიუსი,

სოციალური ქსელები

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ