16 ივნისს, კრემლისა და რამზან კადიროვის კრიტიკით ცნობილი რუსი მხატვარი, სემიონ სკრეპეცკი, პოლონეთში მოკლეს. 44 წლის კაცს ბიალა-პოდლიასკაში ხუთჯერ ესროლეს.

პოლონეთის პროკურატურამ ადგილზე 9 mm Luger GEC კალიბრის მასრები და ტყვია იპოვა.

ზუსტად ამავე კალიბრისა და მარკის ვაზნები გამოიყენეს 2019 წელს ბერლინში, საქართველოს მოქალაქის, წარმოშობით ჩეჩენი საველე მეთაურის, ზელიმხან ხანგოშვილის მკვლელობისას.

მკვლელობიდან მალევე ცნობილი გახდა, რომ პოლიციამ ბიალა-პოდლიასკაში მდებარე საკონსულოსთან ახლოს ბელარუსის ორი მოქალაქე დააკავა, თუმცა, ბრალი მათთვის არ წარუდგენიათ. 

ცოტა ხნის წინ, პოლონეთის პრემიერმა დონალდ ტუსკმა X-ზე დაწერა, რომ ლუბლინის პოლიციამ რუსეთის მოქალაქის მკვლელობაში ეჭვმიტანილი დააკავა. 

მან ასევე განაცხადა, რომ პოლონეთის უსაფრთხოების სამსახურები მკვლელობის დამკვეთის დასადგენად მუშაობენ.

"ლუბლინის პოლიციამ რუსეთის მოქალაქის მკვლელობაში ეჭვმიტანილი დააკავა! ის საქართველოს პასპორტს იყენებს. სამსახურები მკვლელობის ორგანიზატორის დადგენაზე მუშაობენ", - დაწერა დონალდ ტუსკმა X-ზე. 

სემიონ სკრეპეცკი ქალაქ ბიალა-პოდლიასკაში საცხოვრებლად 2021 წელს გადავიდა, პოლონეთის მთავრობამ კი მალევე მიანიჭა ლტოლვილის სტატუსი. 

ავტორი: ექსპრესნიუსი,

სოციალური ქსელები

პავლოგრადზე რუსული თავდასხმის შედეგად 8 წლის გოგონა დაიღუპა

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.