2022 წლის თებერვლიდან პოლონეთმა კიევს 16.4 მილიარდი ზლოტის (დაახლოებით 4.5 მილიარდი დოლარი) ღირებულების იარაღი და სამხედრო ტექნიკა გადასცა. ამის შესახებ ჟურნალისტებს პოლონეთის თავდაცვის მინისტრმა ვლადისლავ კოსინიაკ-კამიშმა განუცხადა.

მისი პრეზენტაციის თანახმად, ტრანშეების უმეტესობა - 14.9 მილიარდი ზლოტის (4.1 მილიარდი დოლარი) ღირებულების - უკრაინის შეიარაღებულ ძალებს 2022-2023 წლებში „კანონისა და სამართლიანობის“ პარტიის მთავრობის დროს გადაეცა. მინისტრმა აღნიშნა, რომ პოლონეთის ამჟამინდელმა მთავრობამ უკრაინას 1.5 მილიარდი ზლოტი (0.4 მილიარდი დოლარი) სამხედრო დახმარების სახით გადასცა.

მან ასევე დაადასტურა, რომ ვარშავამ კიევს მართლაც გადასცა „პატრიოტის“ ტიპის რაკეტები. „ალიანსის გენერალური მდივნისა და აშშ-ის ევროპული სარდლობის წინადადებითა და მოთხოვნით, [„პატრიოტის“ მომხმარებელთა ჯგუფთან კონსულტაციების შემდეგ, მიღებულ იქნა გადაწყვეტილება „პატრიოტის“ ტიპის რაკეტების [კიევში] გადაცემის შესახებ. გადაცემული რაოდენობა არ აღემატება ჩვენი შესაძლებლობების ფარგლებს და არ მოქმედებს პოლონეთის საჰაერო თავდაცვის პოტენციალზე“, - განაცხადა კოსინიაკ-კამიშმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს