ცაგერის საკრებულოში „ქართული ოცნების“ სატელიტი „ხალხის ძალის“ ფრაქციის თავმჯდომარე ლაშა ლეთოდიანი „ქურდული სამყაროს“ მხარდაჭერის ბრალდებით დააკავეს.

სასამართლო პროცესი ამ წუთებში მიმდინარეობს.

პროკურატურამ მას ბრალი „ქურდული სამყაროს საქმიანობის მხარდაჭერის მუხლით – სისხლის სამართლის კოდექსის 223 ტერცია მუხლის მეორე ნაწილით წარუდგინა.

ლაშა ლეთოდიანის ადვოკატმა „ნეტგაზეთს“ განუცხადა, რომ ის ბრალს არ აღიარებს.

დაცვის მხარე აღკვეთის ღონისძიების სახით 10 000-ლარიანი გირაოს შეფარდებას მოითხოვს.

ლაშა ლეთოდიანი ერთ-ერთია იმ 29 პირს შორის, რომლებიც „ქურდულ სამყაროსთან“ კავშირის საქმეზე დააკავეს, კიდევ 3-ს კი ბრალი დაუსწრებლად წარუდგინეს. დაკავებების შესახებ შსს-მ 8 ივლისს განაცხადა.

საქმე რამდენიმე ნაწილად არის დაყოფილი.

ავტორი: ექსპრესნიუსი,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები