აშშ-ის პრეზიდენტმა დონალდ ტრამპმა  ირაკლი კობახიძეს დამოუკიდებლობის დღისადმი მილოცვისთვის მადლიერების წერილი გაუგზავნა, იტყობინება საქართველოს მთავრობის ადმინისტრაცია. წერილში ნათქვამია:

„დიდი მადლობა ამერიკის დამოუკიდებლობის 250 წლის იუბილესთან დაკავშირებით მილოცვისთვის. დამოუკიდებლობის დღე ჩვენი ქვეყნის დაარსების და ამერიკელი ხალხის დამახასიათებელი თავისუფლების, გამძლეობისა და ურყევი სულისკვეთების დღესასწაულია. ჩვენ ვამაყობთ იმ პრინციპებით, რომლებიც ჩვენს ქვეყანას მთელი ისტორიის განმავლობაში ხელმძღვანელობდა და ღრმად ვაფასებთ იმ პარტნიორების მეგობრობას, რომლებიც პატივს სცემენ ამ იდეალებს.

ჩვენი დამოუკიდებლობის 250 წლის იუბილეს აღსანიშნავად, მადლიერები ვართ თქვენი, რომ შემოგვიერთდით ამერიკული პრინციპების - სიცოცხლის, თავისუფლებისა და ბედნიერებისკენ სწრაფვის - აღნიშვნაში.

გულწრფელად ვაფასებ თქვენს გააზრებულ გზავნილს. ჩვენი სუვერენიტეტის, უსაფრთხოებისა და გრძელვადიანი კეთილდღეობის მხარდასაჭერად ერთად მუშაობით, ჩვენ შეგვიძლია მივაღწიოთ მნიშვნელოვან პროგრესს. „მოუთმენლად ველი ჩვენი თანამშრომლობის გაძლიერებას, რათა ერთად ვიაროთ უფრო უსაფრთხო, აყვავებული და მშვიდობიანი მომავლისკენ“, - ნათქვამია აშშ-ის პრეზიდენტის წერილში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

19 ივლისს უმეტეს რეგიონში მოსალოდნელია წვიმა, ელჭექი, სეტყვა

რუსეთში ათასობით ტურისტული სააგენტოს დახურვა დაიწყო

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT