ირანის პარლამენტის სპიკერმა, მოჰამედ ბაგერ ღალიბაფმა, ხუთშაბათს განაცხადა, რომ ჰორმუზის სრუტეში გავლის საფასურის გადახდა ოფიციალურად აისახა ვაშინგტონსა და თეირანს შორის გაფორმებულ ურთიერთგაგების მემორანდუმში.

„ჰორმუზის სრუტეში გავლის მომსახურების საფასურის გადახდა ოფიციალურად აისახა ურთიერთგაგების მემორანდუმში“, - ციტირებს მის სიტყვებს ირანული მედია.

მან ასევე დასძინა, რომ ლიბანი მოლაპარაკებების ერთ-ერთი მთავარი თემაა.

„ჩვენ ვუთხარით შუამავალს, რომ ლიბანის საკითხი და დაბლოკილი/გაყინული თანხები მოლაპარაკებების ერთ-ერთი მთავარი თემა იყო“, - აღნიშნა მან.

ადრე, ირანის საგარეო საქმეთა სამინისტროს წარმომადგენელმა, ისმაილ ბაგაიმ, განაცხადა, რომ ირანისა და შეერთებული შტატების წარმომადგენლებმა ხელი მოაწერეს კონფლიქტის დასრულების შესახებ ურთიერთგაგების მემორანდუმის საბოლოო ვერსიას.

აშშ-ის პრეზიდენტმა დონალდ ტრამპმაც განაცხადა, რომ მან პირადად მოაწერა ხელი ირანთან ურთიერთგაგების მემორანდუმს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა