ილია თოფურიამ ფეისბუქზე ცოტა ხნის წინ გამოაქვეყნა სტატუსი, რომლითაც ჯასტინ გეიჯს გამარჯვება მიულოცა და დაჰპირდა, რომ ის აუცილებლად დაისვენებს და დაბრუნდება, რის შემდეგაც მატჩი-რევანში დაინიშნება.

ჯასტინ, გილოცავ შენ თქვი, რომ შენს კვალს დატოვებდი ჩემს სახეზე... და შენ გააკეთე. მარჯვენა თვალიდან პირველ რაუნდში მომაშორე მხედველობა, მეორეს ბოლოს კი მარცხნიდანაც.

არავითარი ბოდიშები. ჩემს ცხოვრებაში ერთ-ერთი საუკეთესო ბანაკი მქონდა. მოვედი მკვეთრად, მომზადებული და მზად ვარ. წუხელ შენი ღამე იყო. ასეთია ამ თამაშის ბუნება. დიდება და ტკივილი გვერდიგვერდ დადის. მე განვიკურნები. დავისვენებ. და მე დავბრუნდები უფრო ძლიერი, გონიერი და გაცილებით საშიში. და მენდე... ეს ისტორია ჩვენს შორის შორსაა დასრულებისგან. ჩვენ გვექნება ჩვენი რემატჩი." - წერს ილია თოფურია თავის "ფეისბუქზე"

ესპანური გამოცემა Marca წერს, რომ სოციალურ მედიაში ტრავმებისა და შესაძლო ოპერაციის შესახებ გავრცელებული ცნობების მიუხედავად, ილია თოფურია თავს კარგად გრძნობს.

გამოცემის ცნობით, ილია თოფურიას სახეზე ტრავმასთან დაკავშირებით სერიოზული პრობლემა არ ფიქსირდება.

შეგახსენებთ, UFC-ის მსუბუქი წონითი დივიზიონის საჩემპიონო ქამრისთვის ბრძოლაში ჯასტინ გეიჯისთან ილია თოფურიას მარცხის შემდეგ კომპანიის აღმასრულებელმა დირექტორმა, დანა უაითმა თოფურიას ჯანმრთელობის მდგომარეობის შესახებ ისაუბრა.

„ექიმი არ ვარ, მაგრამ მის თვალს რომ ვუყურებ, ვფიქრობ, შესაძლოა ორბიტა ჰქონდეს გატეხილი, თუმცა ეს ფაქტი არ არის, მხოლოდ ვვარაუდობ“, - აღნიშნა უაითმა.

ავტორი: ექსპრესნიუსი,

სოციალური ქსელები

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა

ბრიტანეთში 28 წლის მამაკაცი დააკავეს, რომელიც მთავრობის და პარლამენტის ყოფილი წევრის, ენ ვიდეკომბის მკვლელობაშია ეჭვმიტანილი

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა