ტიმ კუკი Apple-ის აღმასრულებელი დირექტორის თანამდებობიდან ტოვებს. Bloomberg-ის ცნობით, Apple-ის აპარატურული ინჟინერიის უფროსი ვიცე-პრეზიდენტი ჯონ ტერნუსი თავის თანამდებობას 2026 წლის 1 სექტემბერს დაიკავებს. კუკი საბჭოს აღმასრულებელი თავმჯდომარე გახდება.

ტიმ კუკი Apple-ს 1998 წელს შეუერთდა, როგორც მსოფლიო ოპერაციების უფროსი ვიცე-პრეზიდენტი. ის 2007 წელს დაინიშნა ოპერაციული დირექტორის თანამდებობაზე, ხოლო 2011 წლის იანვარში - აღმასრულებელი დირექტორის მოვალეობის შემსრულებელი.

2011 წლის 25 აგვისტოს, კუკი ოფიციალურად დაინიშნა Apple-ის ახალ აღმასრულებელ დირექტორად, თანამდებობიდან გადასული სტივ ჯობსის რეკომენდაციით. ის კომპანიას 15 წელზე მეტი ხნის განმავლობაში ხელმძღვანელობდა.

ამ დროის განმავლობაში, Apple-ის საბაზრო კაპიტალიზაცია ათჯერ გაიზარდა და კომპანია მსოფლიოს სამ უდიდეს კომპანიას შორის გახდა (Nvidia-სთან და Google-თან ერთად).

ვინ არის ჯონ ტერნუსი?

ჯონ ტერნუსი Apple-ში 2001 წელს დაიწყო მუშაობა და 2013 წელს აპარატურის ინჟინერიის ვიცე-პრეზიდენტად დაინიშნა, რაც იმას ნიშნავს, რომ ის პასუხისმგებელი იყო აპარატურაზე და ზედამხედველობდა ისეთ პროდუქტებს, როგორიცაა iPhone, iPad, Mac კომპიუტერები და AirPods. სწორედ მისი ხელმძღვანელობით მოხდა Mac-ების გადასვლა Intel-ის პროცესორებიდან საკუთარ Apple Silicon-ზე.

ავტორი: ექსპრესნიუსი,

სოციალური ქსელები

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ

საქართველოდან უცხო ქვეყნის 74 მოქალაქე გააძევეს