„გაზპრომ ნეფტის“ საკუთრებაში არსებულმა რუსეთის უდიდესმა ნავთობგადამამუშავებელმა ქარხანამ ომსკში, რომელიც 6 ივლისს დრონებით თავდასხმის გამო შეწყვიტა ნედლი ნავთობის გადამუშავება, განუცხადა „როიტერს“ ინდუსტრიის ორმა წყარომ.

მათი ინფორმაციით, წელიწადში 22 მილიონი ტონა სიმძლავრის ნავთობგადამამუშავებელ ქარხანაში AVT-10 ნედლი ნავთობის დისტილაციის ბლოკი დაზიანდა და ხანძარი გაუჩნდა. ის ნავთობგადამამუშავებელი ქარხნის სიმძლავრის 38%-ს, ანუ დღეში 24,500 ტონას შეადგენდა.

„როიტერი“-ს წყაროების ცნობით, ასევე დაიხურა AVT-11 ბლოკი, რომელიც დღეში 24,000 ტონა ნავთობის (ქარხნის სიმძლავრის 37%) და 3,400 ტონა გაზის კონდენსატის (ქარხნის სიმძლავრის 5%) გადამუშავებისთვისაა განკუთვნილი.

სააგენტოს წყაროების ცნობით, AVT-11 ბლოკი არ დაზიანებულა, თუმცა დაზიანებულია ქარხნებს შორის კომუნიკაციები, რომლებიც მის მუშაობას უზრუნველყოფს. მათი შეფასებით, AVT-11 უახლოეს მომავალში შეძლებს ნავთობგადამუშავების განახლებას.

სამშაბათის მდგომარეობით, ომსკის ნავთობგადამამუშავებელმა ქარხანამ, რომელიც რუსეთში ნავთობგადამუშავების მთლიანი მოცულობის 8%-ს შეადგენს, სანქტ-პეტერბურგის სასაქონლო-ნედლეულის ბირჟაზე ბენზინისა და დიზელის საწვავის საბითუმო რაოდენობით გაყიდვა შეწყვიტა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”