აშშ-ის სახელმწიფო დეპარტამენტმა დაამტკიცა HAWK-ის საჰაერო თავდაცვის სარაკეტო სისტემის აღჭურვილობის პოტენციური გაყიდვა უკრაინისთვის. პაკეტის სავარაუდო ღირებულება 108,1 მილიონი აშშ დოლარია.

ამის შესახებ იტყობინება RBC-Ukraine აშშ-ის სახელმწიფო დეპარტამენტის ვებსაიტზე დაყრდნობით.

განცხადების თანახმად, უკრაინის მინისტრთა კაბინეტმა მოითხოვა:

ასაწყობი ანძის მისაბმელების შეძენა;
კაპიტალური რემონტი და ტექნიკური მომსახურება;
სათადარიგო ნაწილები, სახარჯი მასალები და კომპონენტები, ასევე შეკეთებისა და დაბრუნების მომსახურება;
აშშ-ის მთავრობისა და კონტრაქტორებისგან საინჟინრო და ტექნიკური მხარდაჭერა;
და FrankenSAM HAWK საჰაერო თავდაცვის სისტემის ლოგისტიკური და პროგრამული მხარდაჭერის სხვა დაკავშირებული ელემენტები.
ამ პროექტის მთავარი კონტრაქტორი იქნება Sierra Nevada Corporation.

„ეს შემოთავაზებული გაყიდვა ხელს შეუწყობს შეერთებული შტატების საგარეო პოლიტიკისა და ეროვნული უსაფრთხოების მიზნების მიღწევას პარტნიორი ქვეყნის უსაფრთხოების გაძლიერებით, რომელიც ევროპაში პოლიტიკური და ეკონომიკური სტაბილურობის ძალაა“, - განაცხადა სახელმწიფო დეპარტამენტმა.

მათ ასევე დასძინეს, რომ გაყიდვა გააუმჯობესებს უკრაინის შესაძლებლობებს მიმდინარე და სამომავლო საფრთხეებთან საბრძოლველად და აღნიშნეს, რომ უკრაინული მხარე „შეუფერხებლად ინტეგრირებს ამ საქონელსა და მომსახურებას თავის შეიარაღებულ ძალებში“.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს