2026-06-25 13:12:06, 474 ნახვა
პოლიტიკა
ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს
სამოქალაქო აქტივისტი, ნატა ფერაძე ბერა ივანიშვილზე დაწერილი Facebook პოსტის გამო სასამართლოში დაიბარეს.
ამის შესახებ ვიდეოს ნატა ფერაძე სოციალურ ქსელში ავრცელებს. სხდომა თბილისის საქალაქო სასამართლოში 30 ივნისს 13:00 საათზე ჩიანიშნა.
შსს-ს შედგენილი აქვს ადმინისტრაციული სამართალდარღვევის ოქმი, 166-ე მუხლის პირველი ნაწილით. შინაარსი, რაც წერია ოქმში, ეს ეხება Facebook პოსტს - 2026 წლის 15 ივნისს დაწერეთ შეურაცხმყოფელი ტექსტი ბერა ივანიშვილის მისამართით.
სხდომა გაიმართება 30 ივნისს 13:00 საათზე. დავით მაკარაძე არის მოსამართლე. თბილისის საქალაქო სასამართლო მე-9 დარბაზი," - უთხრეს ნატა ფერაძეს სატელეფონო საუბრის დროს.
ავტორი: ექსპრესნიუსი,
epn.ge (@expressnews.ge)
