ქართულ საფეხბურთო სამყაროს კიდევ ერთი ვეტერანი მოთამაშე გამოაკლდა — 41 წლის ასაკში ყოფილი თავდამსხმელი, ჯაბა დვალი გარდაიცვალა. - ინფორმაცია საფეხბურთო კლუბ „ზესტაფონის“ ოფიციალურმა ფეისბუქ გვერდმა გაავრცელა.

მათივე ინფორმაციით, ფეხბურთელმა ინფარქტი და გულის გაჩერება გადაიტანა 1 კვირის წინ და განმეორდა ამ დილით. "გერმანულ ჰოსპიტალში" სტენტი ჩაუდგეს და გაწერეს თუმცა შეტევა დღეს განმეორდა.

"უდიდესი გულისტკივილით უნდა გაცნობოთ, რომ 41 წლის ასაკში გარდაიცვალა წარსულში ჩვენი კლუბის ლეგენდარული ფეხბურთელი და ეროვნული ნაკრების წევრი, საფეხბურთო კლუბ "ზესტაფონის" გენერალური დირექტორი ჯაბა დვალი...

ვუსამძიმრებთ ოჯახსა და ახლობლებს!" - წერს საფეხბურთო კლუბი.

: კარიერის განმავლობაში იცავდა ისეთი გუნდების ღირსებას, როგორებიცაა საფეხბურთო კლუბი „ზესტაფონი“, თბილისის „დინამო“, ბოლნისის „სიონი“, რუსთავის „ოლიმპი“, მოლდოვური „დაჩია“ და აზერბაიჯანული „ყარაბაღი“. 

არის საქართველოს ოთხგზის ჩემპიონი, ორგზის თასის მფლობელი და საქართველოს ჩემპიონატის ორგზის საუკეთესო ბომბარდირი. ითვლებოდა ევროთასებზე ქართული კლუბების ერთ-ერთ საუკეთესო მეგოლედ.  ასპარეზობდა საქართველოს ეროვნული საფეხბურთო ნაკრების რიგებშიც.

სათამაშო კარიერის დასრულების შემდეგ, ჯაბა დვალი საფეხბურთო სტრუქტურაში დარჩა და სიცოცხლის ბოლო პერიოდში საფეხბურთო კლუბ „ზესტაფონის“ გენერალური დირექტორის პოზიციას იკავებდა. 

ავტორი: ექსპრესნიუსი,

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა