ევროსაბჭოს საპარლამენტო ასამბლეამ (PACE) საქართველოზე კრიტიკული რეზოლუცია მიიღო. 

რეზოლუციის პროექტი, სახელწოდებით - „დემოკრატიული ინსტიტუტების ფუნქციონირება საქართველოში“,  საქართველოს მონიტორინგის საკითხებში თანამომხსენებლების ანგარიშს ეფუძნება.

რეზოლუცია კვლავ იზიარებს წინა კრიტიკულ პროექტებში გამოხატულ სერიოზულ შეშფოთებას საქართველოში დემოკრატიული უკუსვლისა და ღრმა პოლიტიკური და სოციალური კრიზისის გამო.

ევროსაბჭოს საპარლამენტო ასამბლეის შეფასებით, საქართველოში დემოკრატიული უკუსვლა და რეპრესიები სამოქალაქო საზოგადოების, ოპოზიციისა და კრიტიკული ხმების მიმართ გრძელდება.

დოკუმენტის მიხედვით, ოპოზიციური პარტიების აკრძალვის მცდელობა და მათი ლიდერების სისხლისსამართლებრივი დევნა ქვეყანას ერთპარტიული მმართველობისა და დიქტატურისკენ მიაქანებს.

ასამბლეა მოითხოვს ოპოზიციის აკრძალვის პროცესის შეწყვეტას და პოლიტიკურად მოტივირებული დევნის დასრულებას.

ამასთან, PACE-ს შეფასებით, ქვეყანაში არსებული ზეწოლისა და პოლარიზაციის ფონზე ნამდვილად თავისუფალი და დემოკრატიული არჩევნებისთვის საჭირო პირობები არ არსებობს.

ასამბლეაში ქართული ოცნების ხელისუფლებას მოუწოდებენ, დაიწყოს ღია და ინკლუზიური პოლიტიკური დიალოგი ოპოზიციასთან და სამოქალაქო სექტორთან.

რეზოლუციაში ასევე კრიტიკულად არის შეფასებული გამოხატვისა და შეკრების თავისუფლების შეზღუდვა, დამოუკიდებელ მედიასა და არასამთავრობო ორგანიზაციებზე ზეწოლა.

რეზოლუციაში მოთხოვნილია ისეთი კანონების გაუქმება, როგორებიცაა „უცხოური გავლენის გამჭვირვალობის შესახებ“ კანონი; „უცხოელი აგენტების რეგისტრაციის შესახებ“ კანონი; სხვა ბოლო პერიოდში მიღებული რეპრესიულად შეფასებული საკანონმდებლო ცვლილებები.

ასამბლეა შეშფოთებულია პოლიციის მხრიდან ძალადობის, დაკავებულთა შესაძლო წამებისა და არასათანადო მოპყრობის შესახებ ცნობებით და მოითხოვს დამოუკიდებელ გამოძიებას.

რეზოლუციაში  მხარდაჭერილია ეუთოს მოსკოვის მექანიზმის ანგარიშის დასკვნები და საქართველოს ხელისუფლებას მისი რეკომენდაციების შესრულებისკენ მოუწოდებენ.

დამატებით შესწორებებში გამოთქმულია შეშფოთება:

• ელენე ხოშტარიას ჯანმრთელობის მდგომარეობის გამო;
• მიხეილ სააკაშვილის პატიმრობისა და ჯანმრთელობის გაუარესების გამო, და მოთხოვნილია მისი საზღვარგარეთ მკურნალობაზე გადაყვანა;
• რუსეთისთვის სანქციების გვერდის ავლის შესაძლო სქემებში საქართველოს როლის შესახებ ცნობებზე;
• აზერბაიჯანელი ჟურნალისტის, აფგან სადიგოვი, დეპორტაციის საქმეზე;
• შავ ზღვაში რუსეთის სამხედრო აქტივობისა და ოჩამჩირეში რუსული სამხედრო-საზღვაო ბაზის მშენებლობის გეგმაზე

ავტორი: ექსპრესნიუსი,

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა