ბაზისბანკი, როგორც ქართული კულტურისა და ხელოვნების აქტიური მხარდამჭერი, სანდრო მრევლიშვილის სახელობის თბილისის პროფესიული დრამატული თეატრის გენერალურ სპონსორობას განაგრძობს. აღნიშნული პარტნიორობა მიზნად ისახავს თეატრალური ხელოვნების პოპულარიზაციას, შემოქმედებითი პროცესების ხელშეწყობასა და ქვეყნის კულტურული ცხოვრების გაძლიერებას.

ბაზისბანკისა და სანდრო მრევლიშვილის სახელობის თეატრის თანამშრომლობის შედეგად, მაყურებელმა არაერთი წარმატებული პროექტი იხილა. აღსანიშნავია, რომ მიმდინარე წლის თებერვალში თეატრმა დრამატული თეატრის სტატუსი მოიპოვა, რაც მნიშვნელოვანი აღიარება და წინგადადგმული ნაბიჯია მისი შემოქმედებითი განვითარების გზაზე.

52-ე სეზონი თეატრმა, ძველ თბილისში, ქარვასლის ისტორიულ გარემოში, სპექტაკლის „მედეას ქანდაკება“ პრემიერით გახსნა. დადგმა მითოლოგიური და თანამედროვე ელემენტების სინთეზს წარმოადგენს, სადაც რეჟისორული გადაწყვეტა და მსახიობთა ოსტატობა მაყურებელს ანტიკური ტრაგედიის ახლებურ ხედვას სთავაზობს.

„მომავალ წელს, ბევრ მნიშვნელოვან დადგმას ვგეგმავთ, ყველაფერს წინასწარ ვერ გავთქვამ, თუმცა აღვნიშნავ, რომ ერთი წარმოდგენა იქნება იტალიურ-ქართულ კოპროდუქცია, ერთ სპექტაკლს დადგამს ახალგაზრდა რეჟისორი ლუკა ბაზაძე და შესაძლოა რეჟისორმა გიორგი თენაძემ განახორციელოს დადგმა. კიდევ რამდენიმე საინტერესო სიახლე გველის, ამაზე მოგვიანებით ვისაუბროთ, ვფიქრობ ბაზისბანკის მხარდაჭერა მნიშვნელოვანია ჩვენთვის, არა მხოლოდ ფინანსური თვალსაზრისით, არამედ როგორც ბიზნესისა და ხელოვნების თანაზიარი ღვაწლი ქვეყნის განვითარებისთვის“ - აღნიშნა სანდრო მრევლიშვილის თეატრის სამხატვრო ხელმძღვანელმა, მიხეილ მრევლიშვილმა.

„ბაზისბანკი, როგორც მაღალი სოციალური პასუხისმგებლობის მქონე ფინანსური ინსტიტუტი, აგრძელებს სანდრო მრევლიშვილის სახელობის თეატრის მხარდაჭერას. ჩვენი პარტნიორობა ნაყოფიერ თანამშრომლობას ეფუძნება, რომელმაც საზოგადოებას არაერთი წარმატებული პროექტი შესთავაზა. ვულოცავთ თეატრს დრამატული სტატუსის მინიჭებას. ეს კიდევ ერთი დასტურია იმისა, რომ დასი მუდმივად ვითარდება და ღირსეულ ადგილს იმკვიდრებს ქართულ კულტურულ ცხოვრებაში. დარწმუნებული ვარ, მიმდინარე წელი თეატრისთვის კიდევ უფრო მასშტაბური იქნება.“ - განაცხადა ბაზისბანკის სტრატეგიული კომუნიკაციების და ბრენდინგის დეპარტამენტის უფროსმა, თამარ ხადურმა.

ბაზისბანკი, ქართული კულტურის მხარდამჭერი სტრატეგიის ფარგლებში, არის კოტე მარჯანიშვილის სახელობის თეატრის, ახმეტელის თეატრის გენერალური სპონსორი, ასევე თოჯინების თეატრების გაერთიანების და თოჯინების სახლის გენერალური სპონსორი. ბაზისბანკი მხარს უჭერს არაერთი კულტურული და საგანმანათლებლო ღონისძიების განხორციელებას ქვეყნის მასშტაბით.

ავტორი: R (რეკლამა),

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში