ოლიმპიური ჩემპიონი და „ქართული ოცნების“ ყოფილი დეპუტატი ზურაბ ზვიადაური საპროცესო შეთანხმების საფუძველზე გათავისუფლდა. -  ინფორმაციას "მთავარი ამბები" ავრცელებს.

ადვოკატმა მაგდა კოტრიკაძემ გამოცემას “მთავარი ამბები კახეთიდან” დაუდასტურა, რომ ზვიადაურმა ციხე 2026 წლის მარტში, შეთანხმების პირობების შესაბამისად დატოვა.

საბოლოოდ, სპორტსმენს 6 თვით თავისუფლების აღკვეთა, 4 წლის ვადით პირობითი მსჯავრი და 5 000-ლარიანი ჯარიმა განესაზღვრა.

ზვიადაური 2025 წლის 17 სექტემბერს იარაღის უკანონო შეძენა-შენახვა-ტარების ბრალდებით დააკავეს. მას 5-წლიანი პატიმრობა ემუქრებოდა.

რაც შეეხება 2021 წელს მომხდარ მკვლელობის საქმეს, კოტრიკაძის ინფორმაციით, ნაფიცი მსაჯულების შერჩევის პროცესი მომდევნო კვირისთვის გადაიდო.

მისი თქმით, დაცვის მხარე ნეიტრალური კანდიდატების შერჩევას ცდილობს, ხოლო ბრალდების მხარე კრიტიკულად განწყობილი მსაჯულების პროცესში ჩართვას უჭერს მხარს.

მისივე შეფასებით, ნაფიცი მსაჯულების შერჩევის პროცესი დასრულების ეტაპზეა და საქმის განხილვა სავარაუდოდ სექტემბერში დაიწყება.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო