ბრიტანული გაზეთი „გარდიანი“ იუწყება, რომ ლონდონის სამეფო ოპერის თეატრმა მოუწოდა ბრიტანეთის პრემიერ-მინისტრს კირ სტარმერს, ჩაერიოს ქართველი ოპერის მომღერლის, პაატა ბურჭულაძის საქმეში.

გაზეთის მიერ გამოქვეყნებულ წერილში, სამეფო ოპერის თეატრის კასტინგის დირექტორი პიტერ (მარიო) კატონა მოუწოდებს ბრიტანეთის პრემიერ-მინისტრს, გადაჭრას „მსოფლიოში ცნობილი ქართველი ოპერის მომღერლისა და ჩვენი ძვირფასი მეგობრის, პაატა ბურჭულაძის“ მდგომარეობა, რომელიც, მისი თქმით, წინასწარი პატიმრობის ქვეშ იმყოფება და საქართველოში სისხლის სამართლის გამოძიება მიმდინარეობს.

კატონა აცხადებს, რომ საქმეს „პრორუსული ავტორიტარული რეჟიმი“ აწარმოებს და ბურჭულაძის წინააღმდეგ წაყენებულ ბრალდებებს „სრულიად შეთითხნილს და უკანონოს“ უწოდებს.

ის აცხადებს, რომ მომღერალს მხოლოდ ამჟამინდელი მთავრობის მიმართ კრიტიკული პოზიციის გამო დევნიან.

წერილში ლონდონის სამეფო ოპერის თეატრის კასტინგის დირექტორი იხსენებს, რომ ბურჭულაძემ გამორჩეული კარიერა ააშენა სამეფო ოპერის თეატრში, პირველად იქ 1984 წელს გამოჩნდა და მრავალი წლის განმავლობაში რეგულარულად გამოდიოდა.

წერილში აღნიშნულია, რომ სამეფო ოპერის თეატრი განიხილავს არტისტის დაბრუნებას.

2026 წლის 7 მაისს, თბილისის საქალაქო სასამართლოს მოსამართლე ირაკლი ხუსკივაძემ გამოიტანა განაჩენი 2025 წლის 4 ოქტომბერს, ათონელის ქუჩაზე მდებარე საქართველოს პრეზიდენტის სასახლის შტურმის მცდელობის საქმეზე, რომლის დროსაც 10 ადამიანი დააკავეს. ყველა მათგანი, მათ შორის პაატა ბურჭულაძე, დამნაშავედ ცნეს.

პაატა ბურჭულაძეს შვიდი წლით თავისუფლების აღკვეთა მიესაჯა.

შეგახსენებთ, რომ 2025 წლის 4 ოქტომბერს, თბილისში, ადგილობრივი თვითმმართველობის არჩევნების დღეს, აქციის ერთ-ერთმა მთავარმა ორგანიზატორმა პაატა ბურჭულაძემ გამოაცხადა ეროვნული კრების შექმნა და განაცხადა, რომ ამ მომენტიდან ქვეყანაში ძალაუფლება ხალხის ხელში გადავიდა. მან მოუწოდა შინაგან საქმეთა სამინისტროს, არ ჩარეულიყო მომიტინგეებისთვის და დაეკავებინა პარტია „ქართული ოცნების“ ლიდერები.

მალევე, სიტყვით გამოვიდა „ნაციონალური მოძრაობის“ ერთ-ერთი ლიდერი მურთაზ ზოდელავა, რომელმაც მომიტინგეების „მამაკაცურ ძალას“ მოუწოდა, ათონელზე, პრეზიდენტის რეზიდენციისკენ გაემართათ მსვლელობისკენ. შედეგად, ხალხმა სცადა სასახლის შტურმი, რამაც შეტაკებები გამოიწვია. სპეცრაზმმა გამოიყენა წყლის ჭავლი და ცრემლსადენი გაზი, მომიტინგეებმა უსაფრთხოების ძალებს ქვები დაუშინეს და ბარიკადები დაწვეს.

4 ოქტომბრის მოვლენების შემდეგ პაატა ბურჭულაძე გადაიყვანეს Healthycore კლინიკაში.

მოგვიანებით, საქართველოს შინაგან საქმეთა სამინისტრომ განაცხადა 4 ოქტომბრის საპროტესტო აქციის ორგანიზატორების, პაატა ბურჭულაძის, მურთაზა ზოდელავას, ირაკლი ნადირაძის, პაატა მანჯგალაძის და ლაშა ბერიძის დაკავების შესახებ. შინაგან საქმეთა მინისტრის მოადგილემ ალექსანდრე დარახველიძემ განაცხადა, რომ მათ ბრალი ედებათ კონსტიტუციური წესრიგის ძალადობრივი შეცვლის ან სახელმწიფო ხელისუფლების დამხობისკენ მოწოდებაში. ოპოზიციონერ პოლიტიკოსებს ცხრა წლამდე თავისუფლების აღკვეთა ემუქრებათ.

მაშინდელმა შინაგან საქმეთა მინისტრმა გელა გელაძემ განაცხადა, რომ მთავრობის მშვიდობიანი დამხობა არ მომხდარა, არამედ მშვიდობიანი დარბევა მოხდა. მინისტრმა დაუშვა შესაძლებლობა, რომ 4 ოქტომბრის მთავრობის შეცვლის მცდელობასთან დაკავშირებით კიდევ უფრო მეტი ადამიანი დააკავონ.

ავტორი: ექსპრესნიუსი,

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს