ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის დავით ბაქრაძის შეხვედრა  გაიმართა მთავრობის ადმინისტრაციაში ლუქსემბურგის ჰაერნაოსნობის ფედერაციის საპატიო პრეზიდენტთან ჟან ბირგენთან და ფედერაციის წევრებთან. ფედერაცია აერთიანებს 40 ათასამდე მოყვარულ პილოტს 69 ქვეყნიდან და მათი მიზანია 2016 წლის შემოდგომაზე დაგეგმილი ავია შოუს ფარგლებში, საბოლოო დანიშნულების ქვეყანა სწორედ საქართველო იყოს.

როგორც „ექსპრესნიუსს“ ევროატლანტიკური ინტეგრაციის სამინისტროდან აცნობეს, გეგმის შესაბამისად, ევროპის სხვადასხვა ქვეყნებიდან მოყვარული მფრინავები გამოემგზავრებიან საქართველოში და რამდენიმე დღის განმავლობაში 20-მდე საფრენი აპარატით მოივლიან და დაათვალიერებენ საქართველოს.

დავით ბაქრაძემ აღნიშნა მსგავსი ღონისძიების მნიშვნელობა საქართველოს ტურისტული პოტენციალის წარმოჩენის, ევროპის ქვეყნებში საქართველოს შესახებ ცნობადობის ამაღლებისა და მომავალი პარტნიორობის ჩამოყალიბების თვალსაზრისით და  პროექტის განხორციელების მხრივ მაქსიმალური მხარდაჭერა აღუთქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა