4 მარტს 11:00-ზე „ავერსის კლინიკის“ ცენტრალური ფილიალის საკონფერენციო დარბაზში ჩატარდება პრესკონფერენცია, სადაც მოხდება  „ავერსის კლინიკის“ ნეიროქირურგ ლაშა ბაქრაძის მიერ პირველად საქართველოში განხორციელებულ  ტვინის ღრმა სტიმულაციის ქირურგიული ოპერაციის შედეგების შესახებ ინფორმაციის მიწოდება  და ამ ოპერაციის ამსახველი ვიდეო მასალის  ჩვენება.

ტვინის ღრმა სტიმულაცია (DBS) გულისხმობს მცირე ზომის მოწყობილობის განთავსებას გულმკერდის მიდამოებში, კანის ქვეშ, რომელიც ელექტრონული იმპულსების ტვინში გაგზავნით ბლოკავს ტვინის იმ ბრძანებებს, რომლებიც იწვევენ მოძრაობის დარღვევას და იძლევა მათი კონტროლის საშუალებას.

ტვინის ღრმა სტიმულაცია აუმჯობესებს პარკინსონით დაავადებული პაციენტების სიცოცხლის ხარისხს. ეს ოპერაცია ტარდება იმ პაციენტებისთვის, ვის შემთხვევაშიც მედიკამენტური მკურნალობით ვეღარ ხერხდება დაავადების გამოვლინებების სრულფასოვანი კონტროლი.  ტვინის ღრმა სტიმულაცია გამოიყენება პარკინსონის დაავადების ისეთი სიმპტომების სამკურნალოდ, როგორიცაა ტრემორი (კანკალი), აკინეზია (მოძრაობის მკვეთრი შენელება) და კუნთების რიგიდობა (პათოლოგიური დაჭიმულობა). ოპერაციის შედეგად დაავადების სიმპტომები  მნიშვნელოვნად უმჯობესდება, რაც საშუალებას აძლევს პაციენტებს ბევრად დამოუკიდებელი გახდნენ ყოველდღიურ ცხოვრებაში.

ავტორი: R (რეკლამა),

სოციალური ქსელები

ადვოკატი: ნატა ვიბლიანი პროკურატურამ ოფიციალურად ცნო დაზარალებულად

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას