ფრიდრიხ ნაუმანის ფონდის პროექტის „freedom barometer“-ის ანგარიშის მიხედვით, საქართველოში პრესის თავისუფლების ინდექსი გაიზარდა და ქვეყანა სიტყვის თავისუფლების კუთხით წამყვან პოზიციას იკავებს. 

ამის შესახებ ინფორმაციას საქართველოს კომუნიკაციების ეროვნული კომისია ავრცელებს.

აღნიშნული ანგარიშის მიხედვით, პრესის თავისუფლების ინდექსში  საქართველოს 2018 წელს 5 ქულა ჰქონდა, რაც 2019 წელს 2.1 გაიზარდა და  7.1 ქულა მიიღო.

ანგარიშში ვკითხულობთ, რომ პრესის თავისუფლება საქართველოში კონსტიტუციითაა დაცული, რაც ბოლო წლებში პრაქტიკაში სრულდება.

„Freedom Barometer“-ის  ანგარიშში წერია, რომ მცირე პრობლემების მიუხედავად, ქვეყანაში დაცულია სიტყვის თავისუფლება,  მოქმედებს სამაუწყებლო, ბეჭდური და  ონლაინ მედია, მოქალაქეებს კი მრავალფეროვანი ინფორმაციის მიღების შესაძლებლობა აქვთ.

ამას გარდა, ანგარიშში ნახსენებია სტრასბურგის სასამართლოს გადაწყვეტილება ტელეკომპანია „რუსთავი 2“ თან მიმართებაში და იქვე აღნიშნულია, რომ სწორედ „რუსთავი 2“-ის  ბაზაზე ქვეყანაში ძალიან მარტივად ორი ახალი ოპოზიციური არხი „მთავარი“ და „ფორმულა“ შეიქმნა .

„Freedom Barometer“-ის ანგარიშის მიხედვით, 2019 წელს ყველაზე მეტი ზრდა საქართველოს ჰქონდა და  45 ქვეყანას შორის წინა წელთან შედარებით, ზრდის ტემპის თვალსაზრისით, ყველა ქვეყანაზე უკეთესი შედეგი აჩვენა,  რის შედეგადაც, თავისუფალი ქვეყნების რეიტინგში 69.10 ქულით 27 ადგილზეა.  2018 წელს საქართველო 64.10 ქულით 28 ადგილს იკავებდა.

ავტორი: ექსპრესნიუსი,

სოციალური ქსელები

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს

რეკორდული ბაზრის წილი და პროდუქტის დივერსიფიკაცია - „თეგეტა ქონსთრაქშენ ექვიფმენთმა“ JCB-ს ორი ჯილდო მიიღო

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს