USAID/CENN ნარჩენების მართვის პროგრამის, ამერიკის სავაჭრო პალატისა (AmCham) და ნარჩენების მართვის ასოციაციის (WMA) თანამშრომლობით, საქართველოში Waste Expo 2020 უკვე მეორედ გაიმართა.

გამოფენაში მონაწილეობა საქართველოში არსებული ნარჩენების გადამმუშავებელმა და შემგროვებელმა 14 კომპანიამ მიიღო.

მონაწილეებს სიტყვით საქართველოს გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა მიმართა და აღნიშნა, რომ საქართველომ ნარჩენების მართვის სექტორის განვითარებაზე აქტიური მუშაობა დაიწყო და მნიშვნელოვანი ნაბიჯები გადადგა. მინისტრის მოადგილემ, საერთაშორისო მხარდაჭერაზე ისაუბრა და გადამმუშავებელი სექტორის მნიშვნელობას გაუსვა ხაზი.

„ნარჩენების გადამმუშავებელი კომპანიების საქმიანობა ქართულ ეკონომიკაში ცირკულარული ეკონომიკის განვითარების საფუძველია. ეს არის მოდელი, რომელიც ჩვენი ქვეყნის განვითარებაში პრიორიტეტული უნდა იყოს”, - განაცხადა სოლომონ პავლიაშვილმა.

ღონისძიება ამერიკის სავაჭრო პალატის პრეზიდენტმა, მაიკლ ქაუგლიმ გახსნა. ღონისძიებას აღმასრულებელი დირექტორი, ჯორჯ ველტონი ხელმძღვანელობდა.

გამოფენაზე დამთვალიერებლებმა საქართველოს ნარჩენების მართვის ასოციაციისა და მისი წევრი კომპანიების საქმიანობის შესახებ მიიღეს ინფორმაცია, გაეცნენ გადამუშავების ტექნოლოგიებს.

გამოფენის გახსნის ღონისძიებას ესწრებოდნენ საქართველოში აკრედიტებული დიპლომატიური კორპუსის წარმომადგენლები, CENN-ის აღმასრულებელი დირექტორი ნანა ჯანაშია, ნარჩენების მართვის ასოციაციის პრეზიდენტი გიორგი გულიაშვილი და  ამერიკის სავაჭრო პალატის 60-მდე წევრი კომპანია.

ავტორი: NS (სტატია დაფინანსებულია),

სოციალური ქსელები

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს

აშშ-ში ტანკერ Marinera-ს ქართველ კაპიტანს 10 თვიანი პატიმრობა და დეპორტაცია მიესაჯა

ახალგაზრდული ორგანიზაციები ევროკავშირის საგარეო საქმეთა მინისტრებს ღია წერილით მიმართავენ

კობახიძე- ქართული კულტურისთვის უცხოა რუსოფობია, გარეთ პატრონები, შიგნით აგენტურა, ყველა ერთად ცდილობს, გააღვივოს ეს კამპანია ჩვენს ქვეყანაში