24 საათის განმავლობაში ვიმუშავებთ, რომ შევინარჩუნოთ წესრიგი და თითოეული ადამიანის უფლების რეალიზება უზრუნველვყოთ, - ამის შესახებ კახა კახიშვილმა სასჯელაღსრულებისა და პრობაციის მინისტრის პოსტზე წარდგენის შემდეგ მთავრობის ადმინისტრაციაში განაცხადა.

კახიშვილმა პრემიერს ნდობისთვის მადლობა გადაუხადა.

„მინდა დიდი მადლობა გადავუხადო საქართველოს პრემიერ-მინისტრს იმ გუნდს, რომელმაც ასეთი ნდობა გამომიცხადა. მე ძალიან კარგად მესმის, რომ ეს არის ძალიან დიდი ავანსად გაცემული ნდობა ჩემს მიმართ, მაგრამ ამავდროულად მე, საზოგადოების წინაშე ვაცხადებ, რომ 24 საათის განმავლობაში ვიმუშავებთ მხოლოდ იმისთვის, რომ ერთის მხრივ შევინარჩუნოთ ამ ძალიან რთულ სისტემაში წესრიგი, მაგრამ უზრუნველვყოთ თითოეული ადამიანის უფლების რეალიზება ამ დაწესებულებებში. მე მინდა ასევე დიდი მადლობა გადავუხადო გოგა მღებრიშვილს, რომელმაც ჩაიბარა ძალიან მნიშვნელოვანი პოსტი ქვეყნისთვის და მინდა მას წარმატებები ვუსურვო“, - განაცხადა კახა კახიშვილმა.

ცნობისთვის პრემიერ-მინისტრმა ირაკლი ღარიბაშვილმა შს მინისტრის თანამდებობაზე გიორგი მღებრიშვილი, ხოლო სასჯელაღსრულებისა და პრობაციის მინისტრის თანამდებობაზე კახა კახიშვილი წარადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა