„მდინარაძე ტყუის და ეს ყველაფერი არის ბოდვა“, - ასე ეხმაურება „ნაციონალური მოძრაობის“ წევრი ხატია დეკანოიძე პარლამენტის ვიცე-სპიკერის მამუკა მდინარაძის განცხადებას, რომ „ნაციონალურ მოძრაობასა“ და ლობისტურ კომპანიას შორის გაფორმებულ კონტრაქტზე, ოპოზიციის მხრიდან ხელს ექსპერტი ბათუ ქუთელია აწერს.

როგორც დეკანოიძემ აღნიშნა, გაკოტრებულ ძალას, რომელსაც ჰქვია „ქართული ოცნება“ ბოდვით ცდილობს სტრატეგიული პარტნიორებისგან მიღებული კრიტიკის გადაფარვას.

„მინდა საზოგადოებამ იცოდეს სიმართლე, იმ გაბანკროტებული და გაკოტრებული პოლიტიკური ძალის წარმომადგენლის, მდინარაძის ტყუილ და უმეცარ განცხადებაზე, რომელიც მან რამდენიმე წუთის წინ ზარ-ზეიმით გააკეთა.

ფაქტია, რომ ამ გაკოტრებულ ძალას, რომელსაც ჰქვია „ქართული ოცნება“ არავითარი პოზიტივი აღარ დარჩა ჩვენს საერთაშორისო, სტრატეგიულ პარტნიორებთან და ახლა სრული აბდაუბდით, ბოდვით ცდილობენ გადაფარონ ის მძიმე განცხადებები, რომლებსაც ჩვენ ვისმენთ ჩვენი სტრატეგიული პარტნიორებისგან.

პირველ რიგში, ბატონი მდინარაძე ტყუის, როდესაც ამბობს, რომ კონტრაქტზე, რომელიც ნამდვილად გაფორმებული აქვს „ნაციონალური მოძრაობას“ ხელს აწერს ბათუ ქუთელია. არავითარი ბათუ ქუთელიას ხელმოწერა ამ კონტრაქტზე არ არის, ამიტომ მდინარაძე ტყუის და მინდა ვუთხრა, რომ ეს ყველაფერი არის ბოდვა და იმ შემაშფოთებელი განცხადებების გადასაფარადაა“, - განაცხადა ხატია დეკანოიძემ.

შეგახსენებთ, რომ ცოტა ხნის წინ პარლამენტის ვიცე-სპიკერმა მამუკა მდინარაძემ განაცხადა, რომ „ნაციონალური მოძრაობა“ თანამშრომლობდა ლობისტურ კომპანია „ირიონ სტრატეჯისთან“ და მისი წარმომადგენელი კონტრაქტის მიხედვით ბათუ ქუთელიაა, რომელიც საჯარო სივრცეში „ობიექტური ექსპერტის“ სტატუსით მოქმედებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”