„გენერალური პროკურორობის კანდიდატებიდან, მე ვიცნობ მხოლოდ ირაკლი შოთაძეს, რომელიც ღირსეული კანდიდატი და ღირსეული პროფესიონალია“, - ასე გამოეხმაურა პრემიერ-მინისტრი გიორგი გახარია გენერალური პროკურორის პოსტზე ირაკლი შოთაძის კანდიდატურის წარდგენას.

მისი თქმით, ირაკლი შოთაძეს შეუძლია გადადგას მძიმე ნაბიჯები და პასუხისმგებლობა აიღოს ყოველგვარი „ცეკვების“ გარეშე.

„მთავარი გენერალური პროკურორის გარკვეული დროის შემდეგ კანდიდატს საპროკურორო საბჭო გადაწყვეტს. იქ საკმაოდ ბევრი ღირსეული კანდიდატია. მე ვიცნობ მხოლოდ და მხოლოდ ირაკლი შოთაძეს, რომელიც ღირსეული ადამიანი, ღირსეული პიროვნება და ღირსეული პროფესიონალია. მან ბოლო წლების განმავლობაში არაერთხელ დაამტკიცა, რომ შეუძლია მძიმე გადაწყვეტილებების მიღება და პასუხისმგებლობის აღება. ჩვენს პოლიტიკურ რეალობასა და ცხოვრებაში არ არის ბევრი ადამიანი, რომელსაც შეუძლია გადადგას მძიმე ნაბიჯი, აიღოს პასუხისმგებლობა და ეს გააკეთოს წყნარად, მშვიდად ყოველგვარი ცეკვების გარეშე“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა