„უცნაური ინტერპრეტაციაა, პირველად გავიგე, რომ ეპისტოლე ხელისუფლებისთვის იყო მხოლოდ“, - ასე უპასუხა პარლამენტის თავმჯდომარემ, არჩილ თალაკვაძემ ჟურნალისტის შეკითხვას ოპოზიციის შეფასებასთან დაკავშირებით, რომლის მიხედვითაც პატრიარქის ეპისტოლეში გზავნილები ხელისუფლების მიმართ იყო.

პარლამენტის თავმჯდომარის თქმით, ილია მეორის საშობაო ეპისტოლე იყო სიყვარულსა და სიკეთეზე, ასევე ძლიერი აქცენტები იყო გაკეთებული ქვეყნის გამთლიანებაზე.

„უცნაური ინტერპრეტაციაა, პირველად გავიგე, რომ ეპისტოლე ხელისუფლებისთვის იყო მხოლოდ.

ეპისტოლე იყო ძალიან მნიშვნელოვანი და სიღრმისეული, სიყვარულზე, სიკეთეზე, ჩვენი ქვეყნის გამთლიანებაზე იყო ძლიერი აქცენტები. მნიშვნელოვანია, რომ ეპისტოლეში პატრიარქი საუბრობს გაერთიანებისა და ერთობის მნიშვნელობაზე, ერთობა ნამვილად სჭირდება ჩვენ ქვეყანას და რაც მთავარია, რაც არის ქრისტიანობის ერთ-ერთი ფუძემდებლური პრინციპი - ვემსახუროთ ადამიანებს, ვემსახუროთ ერთმანეთს, მხოლოდ ამით შეძლებს ჩვენი ქვეყანა გამთლიანებას. ჩვენ ამას მოვახერხებთ, იმიტომ რომ ჩვენს ქვეყანას აქვს ძალიან დიდ ისტორია და მომავალიც“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას