საქართველოს საპატრიარქოსი შეწყალების შესახებ პრეზიდენტის მიერ გამართულ ბრიფინგთან დაკავშირებით განცხადება გაკეთდა.

მაღალი საზოგადოებრივი ინტერესიდან გამომდინარე, საპატრიარქოს პრესცენტრის ხელმძღვანელმა, მამა ანდრია ჯაღმაიძემ დეკანოზ გიორგი მამალაძის საკითხზე ისაუბრა.

მისი თქმით, საპატრიარქოსთვის მისაღები და სასურველი იქნებოდა, რომ გათავისუფლებულიყო დეკანოზი და ამით, ეკლესიის წინააღმდეგ მიმდინარე პერფორმანსი დასრულებულიყო.

მისივე განმარტებით, დეკანოზი მძევლად ჰყავთ იმ ადამიანებს, ვისაც საკუთარი დივიდენდების მოპოვება სურთ ეკლესიის წინააღმდეგ საბრძოლველად.

„პრეზიდენტმა დღეს გაასაჯაროვა გადაწყვეტილება, დაასაბუთა თავისი ხედვა, თუ რატომ არ მოხდა შეწყალებულთა სიაში დეკანოზი გიორგი მამალაძე. ცხადი უნდა იყოს, რომ ჩვენთვის მნიშვნელოვანი, მისაღები და სასურველი იქნებოდა, რომ გათავისულებულიყო დეკანოზი გიორგი მამალაძე, თუნდაც იმიტომ რომ ეკლესიის წინააღმდეგ მიმდინარე პერფორმანსი დამთავრებულიყო. ჩვენ ცხადად ვხედავთ, რომ ამ ფაქტორს დეკანოზი გიორგი მამალაძის მდგომრეობას, დიდი სპეკულაციები მოჰყვა და ჩვენი აზრით, ბევრმა ადამიანმა ისარგებლა ამით, რომ ეკლესიის წინააღმდეგ გამოეყენებნა ეს და ჩვენი ხედვით, ეს ადამიანი მძევლად არის იმ ხალხის ხელში, ვისაც საკუთარი დივიდენდების მოპოვება სურს ეკლესიის წინააღმდეგ საბრძოლველად და სურვილი, რომ დეკანოზი გათავისუფლებულიყო, შეიძლება ამ კუთხითაც გავზომოთ, რომ ამით დასრულდებუდა ეს სპეკულაციები და სპექტაკლი“, - განაცხადა მამა ანდრია ჯაღმაიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას