გარემოვაჭრეები, მოძრაობა „შეცვალე“ და „ლეიბორისტული პარტია“ დღეს, 15:00 საათზე, თბილისის მერიასთან აქციას გამართავენ.

როგორც "ლეიბორისტული პარტიის" წევრმა, ლაშა ჩხარტიშვილმა განაცხადა, აქციის მონაწილეები  რესპუბლიკის მოედანზე, გარემოვაჭრეებისთვის სპეციალური ადგილის მოწყობას მოითხოვენ.

„ჩვენ ვერ შეგვაჩერებენ დაკავებებით და დაპატიმრებებით, ეს პოლიტდაპატიმრება ჩემთვის უკვე ჩვეულ ამბად იქცა და გუშინ, აი ამ ფორმით ჩაშლილი აქცია მერიასთან გაიმართება დღეს 3 საათზე. ამით ერთის მხრივ სოლიდარობას გამოვხატავთ მალხაზ მაჩალიკაშვილის და გარემოვაჭრეების მიმართ, მეორეს მხრივ კონკრეტულად მოვითხოვთ, რომ , გარემოვაჭრეებისთვის სპეციალური სავაჭრო ადგილი მოეწყოს რესპუბლიკის მოედანზე და არ აიძულონ ისინი სხვის სისხლზე ივაჭრონ, რაზეც მათ უარი თქვეს. იგულისხმება მალხაზ მაჩალიკაშვილის დარბეული კარავი და ის ადგილი, სადაც  გომურმა, სულაშვილმა და სხვებმა დაკარგეს თვალი, ჯანმრთელობა და ა.შ.“, - განაცხადა ჩხარტიშვილმა.

შეგახსენებთ, რომ ახალი წლის ღამეს პარლამენტის წინ, დასუფთავების სამსახურმა, მალხაზ მაჩალიკაშვილის კარავი აიღო და მის ნაცვლად, საბავშვო ატრაქციონები დაამონტაჟა. მერიამ გარემოვაჭრეები პარლამენტის წინ გაუშვა და რესპუბლიკის მოედანზე ვაჭრობის უფლება არ მისცა, რასაც მათი მხრიდან პროტესტი მოჰყვა.

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას