„სამშობლოს სიყვარული დანაშაული არ არის - თავისუფლება ვაჟა ექიმს“, - თავისუფლების მოედანზე, საოკუპაციო რეჟიმის მიერ დაკავებული ექიმის, ვაჟა გაფრინდაშვილის მხარდასაჭერი აქცია გაიმართა.

აქციის მონაწილეებმა გაფრინდაშვილის დაუყოვნებლივ გათავისუფლება მოითხოვეს და საერთაშორისო თანამეგობრობას მოუწოდეს, მათ ხელთ არსებული ყველა ბერკეტი გამოიყენონ.

 „მთავარი არის ის, რომ ჩვენი ქვეყნის ერთ-ერთი ღირსეული წევრი არის დღემდე არის უკანონო ტყვეობაში. ჩვენ, რიგითი მოქალაქეები გავერთიანდით მხოლოდ ერთი მიზნით, რომ ეს თემა არ არის ჩაფარცხული, ეს თემა ადამიანებს ახსოვთ, მიუხედავად სხვადასხვა პოლიტიკური საკითხებისა, მიუხედავად უამრავი გაჭირვებისა, რაც ჩვენს მოქალაქეებს აქვთ. ეს თემა დღის წესრიგში არის უმნიშვნელოვანესი და ქართული საზოგადოების რიგითი წევრები ვერთიანდებით ბატონი ვაჟა გაფრინდაშვილის თავისუფლებისთვის. 21-ე საუკუნეში წარმოუდგენელია ჩვენს ქვეყანაში ადამიანი ისჯებოდეს მხოლოდ იმიტომ, რომ მას უყვარს თავისი სამშობლო და პროფესია. ჩვენ საზოგადოებას და საერთაშორისო თანამეგობრობას კიდევ ერთხელ მოვუწოდებთ, რომ მაქსიმალურად მოხდეს ამ თემის წინ წამოწევა და მაქსიმალურად მოხდეს ამ ადამიანზე ყურადღების კონცენტრირება“,- განაცხადა აქციის ერთ-ერთმა ორგანიზატორმა, ლაშა მესხმა.

შეგახსენებთ, ექიმ, ვაჟა გაფრინდაშვილს 2 თვიანი წინასწარი პატიმრობა აქვს მისჯილი, მას ე.წ. საზღვრის უკანონოდ გადაკვეთას ედავებიან.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო