პარლამენტის შენობასთან, სადაც საპროტესტო აქცია მიმდინარეობს, ვითარება დაიძაბა.

აქციის მონაწილეებს პარლამენტის შესასვლელებთან, სადაც კარვებია გაშლილი, ავტომანქანით ქვიშის შეტანა უნდოდათ, რისი საშუალებაც მათ პოლიციამ არ მისცა. აღნიშნულს სამართალდამცველებსა და „ევროპული საქართველოს“ ერთ-ერთ ლიდერ გიგი უგულავას შორის სიტყვიერ დაპისირპიება მოჰყვა.

ამის შემდეგ სამართალდამცველებმა აქციის მონაწილეებს სიმშვიდისკენ მოუწოდეს და აღნიშნეს, რომ ქვიშის შეტანის შესაძლებლობას მისცემენ, თუმცა არა ავტომობილით.

როგორც უგულავამ განმარტა, ქვიშის ტომრები ადგილზე განლაგებული კარვების გასამაგრებლად სჭირდებათ.

შეგახსენებთ, პარლამენტის შენობასთან საპროტესტო აქცია „ერთად ერთის წინააღმედგ“ მიმდინარეობს. აქციაზე ოპოზიციური პარტიების ლიდერები, სამოქალაქო აქტივისტები და რიგითი მოქალაქეები არიან შეკრებილი. ცოტა ხნის წინ მათ პარლამენტის ჭიშკრებს ბოქლომები დაადეს, შემდეგ კი, ადგილზე კარვები გაშალეს და განაცხადეს, რომ მმართველი გუნდის დეპუტატებს საკანონმდებლო ორგანოში შესვლის შესაძლებლობას არ მისცემენ.

საპროტესტო აქციის გამო, დილიდან როგორც პარლამენტის შიდა და გარე პერიმეტრზე, ასევე მთავრობის ადმინისტრაციასთან და „ქართულო ოცნების“ ოფისთან დიდი რაოდენობით სამართალდამცველია მობილიზებული. ამასთან, პარლამენტის ეზოში და შენობაში განლაგებულია განსაკუთრებულ დავალებათა დეპარტამენტის დანაყოფი, რომელიც სპეციალური ეკიპირებით არის აღჭურვილი.

ავტორი: ექსპრესნიუსი,

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.