უნგრეთის სოფლის მეურნეობის სამინისტროს ველური ბუნების მართვის დეპარტამენტის მიწვევით, საქართველოს გარემოს დაცვისა და სოფლის მეურნეობის სამინისტროს ველური ბუნების სააგენტოს დელეგაცია სამუშაო ვიზიტით ქალაქ ბუდაპეშტში იმყოფება.

„უნგრეთს დიდი გამოცდილება აქვს ნადირობის ეფექტიანი რეგულირების და სანადირო სახეობების აღწარმოების მიმართულებით. შესაბამისად, ჩვენთვის განსაკუთრებით მნიშვნელოვანია გავიზიაროთ მათი გამოცდილება და საქართველოში დავნერგოთ  ევროპის ქვეყნების წარმატებული პრაქტიკა, რაც ველური ბუნების მდგრად მართვაში დაგვეხმარება. მისასალმებელია, რომ უნგრეთის სოფლის მეურნეობის სამინისტროს ველური ბუნების მართვის დეპარტამენტმა მზადყოფნა გამოთქვა ჩვენს სააგენტოსთან ითანამშრომლოს ბუნების მდგრადი მართვისა და ნადირობის თანამედროვე მეთოდებით რეგულირების შესახებ ცოდნისა და გამოცდილების გაზიარების მიმართულებით“, - აღნიშნა ველური ბუნების სააგენტოს დირექტორმა, რევაზ ბეჟაშვილმა.

ვიზიტის ფარგლებში, საქართველოს ველური ბუნების სააგენტოს წარმომადგენლები უნგრელ კოლეგებთან სამომავლო თანამშრომლობის საკითხებს განიხილავენ და ნადირობის მართვის თანამედროვე მიდგომებს უნგრეთის სამონადირეო სფეროს ექსპერტებისგან  გაიზიარებენ.

უნგრეთში საქართველოს გარემოს დაცვისა და სოფლის მეურნეობის სამინისტროს ველური ბუნების სააგენტოს დელეგაციის ვიზიტი გაეროს სურსათისა და სოფლის მეურნეობის განვითარების (FAO) პროგრამის „ველური ბუნების მართვის შესაძლებლობების განვითარება საქართველოში“ მხარდაჭერით განხორციელდა.

(NS)

ავტორი: ექსპრესნიუსი,

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.