"მეუფე პეტრე ისე უხამსად მოიქცა წმინდა სინოდის სხდომაზე, ჩვენ იძულებული გავხდით ხელით გაგვეყვანა", - ამის შესახებ მეუფე ნიკოლოზმა საპატრიარქოში გამართული სინოდის სხდომის დასრულების შემდეგ განაცხადა.

როგორც მან აღნიშნა, მეუფე პეტრე სხდომაზე ცდილობდა, სინოდს "მისი შიშით სწორი გადაწყვეტილება არ გამოეტანა". 

„მეუფე პეტრე ისე უხამსად მოიქცა წმინდა სინოდის სხდომაზე, რომ იძულებული გავხდით სხდომიდან ხელით გაგვეყვანა. ის საკმაოდ შეურცხმყოფელი სიტყვებით საუბრობდა. გარდა ამისა, მეუფე პეტრემ სინოდის სხდომაზე აბსოლუტურად სხვა საკითხებზე ისაუბრა. ფაქტიურად, სინოდს ისეთ დღეში აყენებდა, რომ მისი შიშით ჩვენ სწორი გადაწყვეტილება არ გამოგვეტანა. ვუხსნიდით, რომ ადამიანისთვის შეურაცხყოფის მიყენება, მით უფრო სასულიერო პირებისთვის და მითუმეტეს პატრიარქისთვის მხილების ფორმა არ არის. საერთოდ, მხილება განსხვავდება ცილისწამებისგან იმითი, რომ მხილებისას ჯერ არგუმენტებია წარმოდგენილი და მერე დასკვნა კეთდება, ხოლო ცილისწამებაა, როდესაც ჯერ ამბობ და მერე პირდები საზოგადოებას და წმინდა სინოდს, რომ შემდეგ წარმოადგენ არგუმენტებს. მეუფე პეტრე მთლიანად არ მოკვეთილა საპატრიარქოდან, რადგან საბოლოო დასკვნა სინოდის სხდომის ოქმში იქნება. იგი მღვდელმთავრის თანამდებობიდან გათავისუფლებულია“, - განაცხადა მეუფე ნიკოლოზმა.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს