იუსტიციის უმაღლესი საბჭოს არამოსამართლე წევრის, ანა დოლიძის განცხადებით, "ქართული ოცნებისთვის" მთავარ ფასეულობას არა პროფესიული კომპეტენცია, არამედ პიროვნული ერთგულება წარმოადგენს. 

დოლიძემ ქვეყანაში შექმნილი ვითარება ქართულ კინო კლასიკას შეადარა, მაგალითად კი, უდიპლო სასიძო მოიყვანა. 

"თუ ქართულ კინო კლასიკაში მიღებულია უდიპლომო სასიძო, "ქართული ოცნების" რეალობაში მიღებულია უდიპლომო პროკურორი, უდიპლომო მინისტრი და უდიპლომო მოსამართლე. ეს იმ პირობებში, როდესაც ჩვენს ქვეყანაში არის უამრავი ნასწავლი და კომპეტენტური ადამიანი, რომელიც სახლში ზის და სამსახურს ეძებს. ამის მთავარი მიზეზია ის, რომ "ქართული ოცნების" რეალობაში მთავარი ფასეულობა არის პიროვნული ერთგულება და არა კომპეტენცია და არა სამშობლოსადმი თავდადება", - აღნიშნა ანა დოლიძემ. 

ცნობისთვის, პარლამენტში, იურიდიულ საკითხთა კომიტეტის სხდომა გენერალურ პროკურორს, უზენაესი სასამართლოს მოსამართლეობის კანდიდატს შალვა თადუმაძეს უსმენენ. აღსანიშნავია, რომ გენერალური პროკურორის დიპლომმა დიდი აჟიოტაჟი გამოიწვია. კერძოდ, „საერთაშორისო გამჭვირვალობა -საქართველომ" შეისწავლა თადუმაძის იურიდიულ განათლებასთან დაკავშირებული საკითხები და მის დიპლომთან დაკავშირებით არაერთი შეუსაბამობა გამოავლინა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას