ჟურნალისტის ნოდარ მელაძის ადვოკატის დიტო საძაგლიშვილის განცხადებით, პროკურატურას მისი დაცვის ქვეშ მყოფის საგამოძიებო უწყებაში დაბარების არანაირი სამართლებრივი საფუძველი არ ჰქონდა.

როგორც საძაგლიშვილმა აღნიშნა, უწყებაში მედია საშუალებების წარმომადგენლების დაბარება მათზე ზეწოლის მცდელობა.

"ნოდარ მელაძე დაბარებულია მოწმის სახით გამოკითხვაზე, პრინციპში კითხვები იქნება "რუსთავი 2"-თან დაკავშირებით, რაც იქამდე ქონდათ ზაალ უდუმაშვილთან და გიორგი ლაფერაშვილთან და რაზეც საუბრობდა "რუსთავი 2"-ის გენერალური დირექტორი, როდესაც ნოდარ მელაძე სამსახურიდან გაათავისუფლა. საბოლოო ჯამში ბუნებრივია სასაცილოა ეს ყველაფერი და თუ ხელისუფლება ფიქრობს, რომ ნოდარ მელაძის დაბარებით საინფორმაციო გამოშვებებში ტონი შერბილდება ან რაღაცა შეიცვლება სარედაქციო პოლიტიკაში, ძალიან ცდება. გარდა ამისა პროკურატურა შეეცდება, რომ ამ მიმართულებითაც ნიკა გვარამიას ბრალის დამძიმება მოახდინოს",- განაცხადა საძაგლიშვილმა.

ადვოკატის შეფასებით, გამოძიების მიზანი, "მთავარი არხის" განეიტრალება და "რუსთავი2"-ის  გაკოტრების ნიკა გვარამიასთვის გადაბრალებაა.

"ფიზიკურად შეუძლებელია ვისაუბროთ სამართლებრივ მხარეზე, იმიტომ რომ ბუნებაში არ არსებობს, უბრალოდ პროკურატურა ცდილობს საქმე შეთითხნოს. მიზანი არის "მთავარი არხის" განეიტრალება და "რუსთავი2-ის" გაკოტრების დაბრალება, რაც აუცილებლად მოხდება და ხელისუფლება შეეცდება ეს ნიკა გვარმიას დააბრალოს, წარმოაჩინოს თითქოს ხელისუფლების სურვილი არაა "რუსთავი 2"-ის გაჩუმება და გაკოტრება", - აღნიშნა საძაგლიშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება