თბილისის ვიცე-მერის ირაკლი ხმალაძის შეფასებით, "გირჩის" მიერ შექმნილი კომპანია "შმაქსი", რომელიც ტაქსის რეგულაციებისთვის გვერდის ავლის მიზნით შეიქმნა, პროვოკაციაა, რომელსაც მოსახლეობა არ უნდა აჰყვეს.

როგორც ხმალაზემ განმარტა, კანონმდებლობით, თუ ავტომობილს მგზავრი ერთი პუნქტიდან მეორე გადაჰყავს, მას შესაბამისი ლიცენზია უნდა ჰქონდეს.

"ეს პოლიტიკური ორგანიზაცია უბრალოდ ერთობა, თან კარგად ერთობა. ჯერ იყო და რელიგიური ორგანიზაცია დააფუძნეს, ახლა საგანმანათლებლო ორგანიზაცია დააფუძნეს. ყველაზე ცუდი ის არის, რომ ადამიანები შეცდომაში შეყავთ. კანონმდებლობის მიხედვით, M1 კატეგორიით, ანუ მსუბუქი ავტომობილით მგზავრის გადაყვანა ერთი წერტილიდან მეორე წერტილამდე საჭიროებს ნებართვას. აქ ინტერპრეტაცია იმისა, რომ ხდება რაღაც საგანმანათლებლო საქმიანობის გაწევა თუ რაღაცის ახსნა, ამას არ აქვს მნიშვნელობა. როდესაც იყენებენ მაიდენტიფიცირებელს, რომ მგზავრმა დაგიქნიოს ხელი, რომ ჩაჯდეს მანქანაში და ერთი პუნქტიდან მეორეში გადაგიყვანოს ამას კანონმდებლობა განსაზღვრავს, რომ ახორციელებს მგზავრის გადაყვანას და საჭიროებს ნებართვას", - განაცხადა ირაკლი ხმალაძემ.

ცნობისთვის, პირველი ოქტომბრიდან ტაქსების რეგულაცია ამოქმედდა. რეგულაციის შეუსრულებლობის გამო შსს-ს ცნობით 700-მდე მძროლი 200 ლარით დაჯარიმდა, თუმცა პარლამენტის მიერ გამოცემული აქტით დაჯარიმებულ მძღოლებს ერთჯერადი ამნისტია შეეხებათ.

რეგულაციების საპასუხოდ, პოლიტიკურმა პარტია "გირჩმა" შექმნა ახალი კომპანია "შმაქსი", რომელიც პარტიის დამფუძნებლის ზურაბ ჯაფარიძის განცხადებით, რეგულაციების გვერდის ავლით "უმუშევრად დარჩენილ ტაქსის მძღოლებს" დაასაქმებს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება