ახალ ბულვარში მრავალფუნქციური კომპლექსის "ბათუმი რივიერას" პროექტის პრეზენტაცია გაიმართა. 

ღონისძიების სტუმრებს სიტყვით მიმართა აჭარის მთავრობის თავმჯდომარემ. თორნიკე რიჟვაძემ ყურადღება გაამახილა ინვესტიციის ევროპულ წარმომავლობაზე, ხარისხსა და საერთაშორისო სტანდარტებზე, რაც მისი თქმით, ბათუმის შეუქცევადი და მდგრადი განვითრებისთვის აუცილებელი პირობაა. რეგიონის პირველმა პირმა პროექტის პრეზენტაციისას ხაზი გაუსვა  მშენებლობაზე დასაქმებულთა შრომის უსაფრთხოების სტანდარტების დაცვის მნიშვნელობას.

"განსაკუთრებით მახარებს ის ფაქტი, რომ ეს იქნება პრაქტიკულად ძირითად ნაწილში ევროპული ინვესტიცია, იქნება ხარისხი და რა თქმა უნდა, საერთაშორისო სტანდარტები, რაც მნიშვნელოვანია ჩვენი ქალაქის შეუქცევადი და მდგრადი განვითარებისთვის.

ამავე დროს განსაკუთრებით მნიშვნელოვანია, რომ ჩვენ ყველა ერთად გავუფრთხილდეთ დასაქმებულების უსაფრთხოებას, და მე მინდა ვთხოვო ყველას - ინვესტორებს, დეველოპერებს, სამშენებლო კომპანიებს, რომ განსაკუთრებული ყურადღება მივაქციოთ უსაფრთხოების ნორმების დაცვას და ამ კონკრეტულ პროექტში  პარტნიორების ჩართულობა  ჩვენ გვაძლევს იმის საფუძველს და  მოლოდინს, რომ ამ მიმართულებით იქნება ერთ-ერთი სამაგალითო პროექტი" - განაცხადა თორნიკე რიჟვაძემ ღონისძიებაზე სიტყვით გამოსვლისას.

"ბათუმი რივიერა" არის კომპანია "ჰოხბაუ"-ს  30 მილიონი ლარის ღირებულების საინვესტიციო პროექტი. მრავალფუნქციურ კომპლექსში 70 ადამიანი დასაქმდება.

შენობა მოიცავს აპარტ ჰოტელს, რომელიც განლაგებული იქნება პირველ და მე-15 სართულებზე, გამწვანებულ ზონას, ელექტრომობილების დასამუხტს და ქალაქისთვის მნიშვნელოვან საკითხს - საპარკინგე ადგილებს. ასევე მნიშვნელოვანია ინტერიერის დიზაინი, რომელიც შექმნილია ესპანელი დიზაინერის რაულ კოსადოს მიერ.

(NS)

ავტორი: ექსპრესნიუსი,

სოციალური ქსელები

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა