ბათუმში საერთაშორისო ფესტივალი ,,კერამიკის ალქიმია“ გაიხსნა. ფესტივალი საგანმანათლებლო, სამეცნიერო-კვლევით და კულტურული ტურიზმის განმავითარებელ აქტივობებს მოიცავს. ფესტივალში წელს მონაწილეობას ღებულობს ქართველი, თურქი და ლატვიელი 12 კერამიკოსი და 10 სტუდენტი.

„კერამიკის ალქიმიის“ ფარგლებში ფესტივალის მონაწილები ტურისტებთან და ადგილობრივი ხელისუფლების წარმომადგენლებთან ერთად სოფელ ბრილის თიხის კარიერს ეწვიენ.

ფესტივალში მონაწილეებმა ადგილზე მოიპოვეს თიხა და დაამუშავეს, გამოძერწეს ნაკეთობები, იქვე კარიერზე ღია ცის ქვეშ ჩატარდა ნაკეთობების გამოწვაც. დაიგეგმა საჯარო ლექცია ბრილის თიხის თვისებებისა და ქიმიური კვლევების შედეგების გაცნობის თემაზე.

ბრილის კარიერის შესწავლა გასული წელს ფესტივალის ფარგლებში დაიწყო. ჩატარდა სამუშაოები და მნიშვნელოვანი დასკვნებიც დაიდო. როგორც სამეცნიერო კვლევებმა დაადასტურა სამშენებლო კერამიკისთვის ბრილის თიხა ვარგისია და ყველანაირი პირობა არსებობს საიმისოდ, რომ უახლოეს მომავალში ბრილში დაიგეგმოს კერამიკული ტურები და განვითარდეს კულტურული ტურიზმი.

ფეტივალი ა/რ განათლების, კულტურისა და სპორტის სამინისტროს ფინანსური მხარდაჭერით იმართება, რომლის მიზანი ტრადიციული და თანამედროვე ხელოვნების, კულტურის პოპულარიზაცია, ტურიზმისა და შემოქმედებითი ინდუსტრიის განვითარება წარმოადგენს.

(NS)

ავტორი: ექსპრესნიუსი,

სოციალური ქსელები

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა