"მოვუწოდებთ ჩვენს ყველა წევრსა და მხარდამჭერს, შევიკრიბოთ დღეს 19:00 საათზე პარლამენტთან და ყველაფერი გავაკეთოთ იმისთვის, რომ გახარია, რომელიც ჯალათად გამოვიდა 20 ივნისს, არ მოხვდეს პრემიერ-მინისტრის პოსტზე", - ამის შესახებ გაერთიანებული ოპოზიციის ერთ-ერთმა ლიდერმა გრიგოლ ვაშაძემ პარლამენტთან ჟურნალისტებს განუცხადა.

როგორც ვაშაძემ აღნიშნა, ხელისუფლება საზოგადოებაში დაპირისპირებას ამძაფრებს.

"ხელისუფლება ყველაფერს აკეთებს იმისათვის, რომ საზოგადოებაში პოლიტიკური სამოქალაქო ომი გაგრძელდეს, ყველაფერს აკეთებს იმისათვის, რომ დაპირისპირება გაგრძელდეს. ამის მოთმენა უკვე აღარ შეიძლება. ერთი პროვოკაცია იცვლება მეორეთი. გახარიას წარდგენა პრემიერ-მინისტრის პოსტზე, ეს არის შეფუეთხება ჩვენი საზოგადოებისთვის, მთელი ოპოზიციური სპექტრისთვის და განსაკუთრებით, იმ ადამიანებისთვის, ვინც თავის კონსტიტუციურ უფლებებს და ქვეყნის ინტერესებს იცავდნენ 20 ივნისს. "ქართული ოცნების" ხელისუფლება არის განწირული და დაპირისპირებული საქართველოს მოქალაქეებთან. ყველაფერი უნდა გააკეთოს ოპოზიციამ, ყველაფერი უნდა გააკეთოს სამოქალაქო საზოგადოებამ, რომ გახარიას დამტკიცება პრემიერ-მინისტრად არ მოხდეს. კატეგორიულად მოვითხოვთ ხელისუფლებისგან, შეცვალეთ ეს კანდიდატურა. მოვუწოდებთ ჩვენს ყველა წევრსა და მხარდამჭერს, შევიკრიბოთ დღეს შვიდ საათზე პარლამენტთან და ხმამაღლა ვთქვათ, ჩვენი სათქმელი, რაც გვაქვს, ყველაფერი უნდა გავაკეთოთ იმისთვის, რომ გახარია, რომელიც ჯალათად გამოვიდა 20 ივნისს არ მოხვდეს პრემიერ-მინისტრის პოსტზე", - განაცხადა გრიგოლ ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე