"ვაპირებთ, გავაგრძელოთ უფრო აქტიურად ბრძოლა, რომ შეიცვალოს ქვეყანაში რეალობა, რომელიც დღეს არსებობს", - ამის შესახებ "თიბისი ბანკის" ერთ-ერთმა დამფუძნებელმა ბადრი ჯაფარიძემ დღეს გამართულ საგანგებო ბრიფინგზე განაცხადა. 

ჯაფარიძის თქმით, აუცილებელია, რომ "თიბისი ბანკის" გარშემო გნვითარებული მოვლენების მიმართ ინტერესი საქართველოს მეგობარი ქვეყნების საელჩოებმა გამოთქვან. 

„ძალიან პრინციპულია, არ შევხედოთ ამას, როგორც ერთ-ერთ რუტინულ საქმეს, არამედ შევხედოთ, როგორც ჩვენი ქვეყნისთვის უმნიშვნელოვანეს პრეცედენტს, რათა არ დავუშვათ პროკურატურის, სასამართლოს, ფინანსური მონიტორინგის სამსახურის გამოყენება პოლიტიკურად არასასურველი ადამიანების დევნის ინსტრუმენტად და რათა გამოვრიცხოთ საზოგადოების შეცდომაში შეყვანა. ამიტომ, აუცილებელია ჩვენი მეგობარი ქვეყნები იყვნენ ჩართული ამ საქმეში ძალიან აქტიურად და ვაპირებთ, გადავდგათ ამ მიმართულებით ყველა ნაბიჯი, რომელიც საჭიროა ჩვენი მხრიდან. მინდა გითხრათ, რომ ჩვენ არ გვეშინია, ჩვენ ვიღებთ ამ გამოწვევას და ჩვენ ვაპირებთ, გავაგრძელოთ უფრო აქტიურად ბრძოლა, რომ შეიცვალოს ქვეყანაში ეს რეალობა, რომელიც დღეს აქ არსებობს, რეალობა, რომელიც ეს არის აბსოლუტურად მიუღებელი და კლავს ჩვენი ქვეყნის მომავალს“, - განაცხადა ბადრი ჯაფარიძემ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე