„ვინაიდან საქმეში არსებობს წინააღმდეგობრივი დასკვნა, ბუნებრივია, ჩვენ გამოვიყენებთ იმ სამართლებრივ მექანიზმს, რომ მოვითხოვოთ განმეორებითი ექსპერტიზის ჩატარება, ოღონდ საზღვარგარეთ“, - ამის შესახებ თავდაცვის ყოფილი მინისტრის, ირაკლი ოქრუაშვილის ადვოკატმა, გიორგი ზედელაშვილმა განაცხადა.

როგორც მან აღნიშნა, განმეორებით, საქართველოს ფარგლებს გარეთ ჩატარებული ექსპერტიზა დაადასტურებს, რომ „რუსთავი 2“-თან დაკავშირებულ დოკუმენტზე, რომელიც ოქრუაშვილმა წარმოადგინა, ნამდვილად ქიბარ ხალვაშის ხელმოწერაა.

„საქმეს მიემატა კიდევ ერთი დასკვნა. აქამდე არსებობდა სამი, რომლებიც ერთმნიშვნელოვნად ადასტურებდნენ, რომ სადაო დოკუმენტზე იყო ქიბარ ხალვაშის ხელმოწერა. ეხლა მივიღეთ მეოთხე დასკვნა, სადაც არის საუბარი იმაზე, რომ თითქოს არ არის ამ დოკუმენტზე ქიბარ ხალვაშის ხელმოწერა. ეს არის დადასტურება თეთრზე შავის. ვინაიდან საქმეში არსებობს წინააღმდეგობრივი დასკვნა, ბუნებრივია, ჩვენ გამოვიყენებთ იმ სამართლებრივ მექანიზმს, რომ მოვითხოვოთ განმეორებითი ექსპერტიზის ჩატარება, ოღონდ არა საქართველოში, არამედ საქართველოს ფარგლებს გარეთ, რათა მოხდეს ობიექტური დასკვნით დადება. ეს არის ჩვენი შემდგომი ნაბიჯები. შევარჩევთ ერთ-ერთ დამოუკიდებელ საექსპერტო დამოუკიდებელ დაწესებულებას, სადაც იქნება ნდობის მაღალი ხარისხი“, - განაცხადა გიორგი ზედელაშვილმა.

ცნობისთვის, ოქრუაშვილის პარტიის წევრმა კოტე კემულარიამ დღეს გამართულ ბრიფინგზე განაცხადა, რომ მოიპოვეს ექსპერტიზის ეროვნული ბიუროს დაკსვნა, რომელშიც ნათქვამია, რომ ირკლი ოქრუაშვილსა და ქიბარ ხალვაშს შორის გაფორმებულ ხელშეკრულებაზე არსებული ხელმოწერა ხალვაშს არ ეკუთნის. კემულარიას შეფასებით, ეს  იმ პოლიტიკური პროცესების გაგრძელებაა, რის გამოც ირაკლი ოქრუაშვილი დაპატიმრებულია - „რუსთავი2“-ის ჩაქრობის სურვილის გამო“.

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი