„იმ ჯარისკაცებმა, პოლიციელებმა, ვინც აგვისტოს ომში დაიღუპა 11 წლის წინ, საქართველოს მისცეს შანსი, ამოსუნთქვის საშუალება, რომ რუსულ აგრესიას სწრაფად არ მიეღწია საკუთარი ამოცანისთვის“, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ მუხათგვერდის ძმათა სასაფლაოზე განაცხადა, სადაც აგვისტოს ომის გმირებს პატივი მიაგეს.

როგორც ბოკერიამ განმარტა, რუსეთის ამოცანა საქართველოს თავისუფლებისა და სუვერენიტეტის დამხობა იყო.

„ამიტომ მათი ხსოვნა არის მოვალეობა ყველა ჩვენგანის და ასევე პასუხისმგებლობა, რომ ეს ომი, რუსეთის აგრესია საქართველოს წინააღმდეგ, რაც უკვე ასწლეულებია გრძელდება, არ დავუშვათ ამ ბრძოლაში მთავარი მონაპოვარის დაკარგვა, რაც არის ჩვენი თავისუფლება. მე დარწმუნებული ვარ, ქართული საზოგადოება ამას არასდროს დაუშვებს. ეს მომენტი 11 წლის წინ იყო აქტიური ფაზა რუსული აგრესიის, მაგრამ ეს აგრესია ეხლაც გრძელდება, იქამდეც მიმდინარეობდა სხვადასხვა ფორმით, ამიტომ უმნიშვნელოვანესია, ქართული საზოგადოება ამ საკითხთან დაკავშირებით ერთიანი იყოს“, - განაცხადა გიგა ბოკერიამ.

შეგახსენებთ, 2008 წლის აგვისტოს, რუსეთ-საქართველოს ომიდან 11 წელი გავიდა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს