"საქართველოს დემოკრატიული ინიციატივის" ხელმძღვანელის გიორგი მშვენნიერაზის ინფორმაციით, უზენაესი სასამართლოს მოსამართლეობის კანდიდატების შერჩევის პროცესში Facebook-ზე ტროლები გაააქტიურეს.

როგორც მშვენირაძე აცხადებს, ხელისუფლებამ დაინახა მართლმსაჯულების სისტემაში არსებული ხარვეზები, თუმცა ვითარების გამოსწორებას არა რეფორმებით, არამედ ტროლების გააქტიურებით ცდილობს.

"იუსტიციის უმაღლეს საბჭოში უზენაესი სასამართლოს მოსამართლეობის კანდიდატებთან გასაუბრების პროცესის საჯაროობამ, გაცილებით მეტ ადამიანს დაანახა ის ჭაობი, რომელშიც ჩვენი მართლმსაჯულების სისტემაა. უვადოდ დანიშნული მოქმედი მოსამართლეები ელემენტარულ სამართლებრივ კითხვებს ვერ პასუხობენ (მცირე გამონაკლისის გარდა), არიან აგრესიულები, არ ესმით საკუთარი სტატუსის მნიშვნელობა და პასუხისმგებლობა. საბჭოს მოსამართლე წევრების შესახებ სხვა დროს დავწერ. ხელისუფლებამაც დაინახა ეს ყველაფერი და გადაწყვიტა ამის წინააღმდეგ ზომების მიღება. ოღონდ არა რეფორმებზე ფიქრით, არამედ ტროლების გააქტიურებით", - წერს მშვენიერაძე Facebook-ის საკუთარ გვერდზე. 

ამასთან, მშვენიერაძის თქმით, რამდენიმე ტროლის იდენტიფიცირება უკვე მოხდა. ის მათ შესახებ კონკრეტულ ინფორმაციას ავრცელებს:

"ტროლი სახელით: ეკატერინე დევდარიანი - პროფილად უყენია პინტერესიდან აღებული ფოტო, სხვა ფოტოები არ აქვს.
https://www.facebook.com/profile.php?id=100034435572399

ტროლი სახელით: zura mdinaradze - იყენებს სომეხი მოქალაქის იდენტობას და ფოტოებს. 
https://www.facebook.com/nikanion

ტროლი სახელით: ოთარი დადეშქელიანი
https://www.facebook.com/profile.php?id=100034521125355

ამ ტორლებს, სამიზნეში განსაკუთრებულად ყავთ ამოღებული ნაზი ჯანეზაშვილი და ანა დოლიძე. ასევე თავს ესხმიან არასამთავრობო ორგანიზაციებს და ცდილობენ ალტერნატიული რეალობის შექმნას იმ "ფეიჯებზე", რომლებზეც სასამართლოს საკითხები შუქდება. ფაქტია, რომ ეს ტროლები სასამართლო სისტემას შიგნიდან კარგად იცნობენ, რაც საფუძვლიანად მაფიქრებინებს, რომ ისინი თავად სასამართლო სისტემიდან იმართებიან ან მათთან კოორდინაციაში არიან. ასეთ მძიმე დღეში ვართ მეგობრებო", - წერს მშვენიერაძე. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს