საბერძნეთმა საერთაშორისო კრედიტორების მოთხოვნების დაკმაყოფილებაზე უარი განაცხადა.

შესაბამისი გადაწყვეტილება რეფერენდუმზე მიცემული ხმების 100%-ის დათვლის შემდეგ გახდა ცნობილი.

საბერძნეთის შსს-ს მონაცემებით, არა-ს 61%-ზე მეტმა ამომრჩეველმა მისცა ხმა, ხოლო კი-ს 39%-ზე ნაკლებმა. საკუთარი არჩევანი სულ 6,4 მილიონმა ადამიანმა დააფიქსირა.

კენჭისყრის შედეგების კომენტირებისას საბერძნეთის მთავრობის ოფიციალურმა წარმომადგენელმა გაბრიელ საკელარიდისმა აღნიშნა, რომ საბერძნეთი საერთაშორისო კრედიტორებთან მოლაპარაკებებს განაახლებს.

მისი თქმით, მოლაპარაკებები უმოკლეს ვადაში, შესაძლოა, 48 საათშიც კი დასრულდეს. 

საბერძნეთის პრემიერი ალექსის ციპრასი, ბერძნების „გაბედულ არჩევანს“ მიესალმება. 

„უფლებამოსილება, რომელიც ამ რეფერენდუმით მომენიჭა, არა ევროპასთან განხეთქილებისკენ, არამედ მასთან მოლაპარაკებაში უფრო ძლიერი პოზიციის დაკავებისკენ არის მიმართული“, - განაცხადა ციპრასიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს