მშვენიერაძე: სახელმწიფოს უდგას მარტივი არჩევანი - ან იცავს ლიბერალურ დემოკრატიას ქვეყანაში, ან ფაშისტური ხელისუფლება ხდება

2019-06-15 15:27:08, 2204 ნახვა

კომენტარი

არასამთავრობო ორგანიზაცია ”საქართველოს დემოკრატიული ინიციატივას” თავმჯდომარის გიორგი მშვენიერაძის განცხადებით, მშვიდობიანი აქციის მონაწილეებზე კანცელარიასთან ძალადობა განხორციელდა.

მშვენიერაძე მიიჩნევს, რომ სახელმწიფოს მოუწევს ლიბერალურ დემოკრატიასა და ფაშისტურ მმართველობას შორის არჩევანი გააკეთოს.

„რაც გუშინ ვნახეთ, ეს იყო ღია და თვალსაჩინო ძალადობა მშვიდობიანი აქციის მონაწილეებზე. როცა სახელმწიფო მსგავს ქმედებებზე არ რეაგირებს, ეს კითხვის ნიშნის ქვეშ აყენებს როგორც ინდივიდუალური ადამიანების მიერ საკუთარი უფლებებით სარგებლობას, ასევე ზოგადად, ლიბერალური დემოკრატიის პრინციპებს. ამიტომ სახელმწიფოს უდგას ძალიან მარტივი არჩევანი - ან ის იცავს ლიბერალურ დემოკრატიას ქვეყანაში, იცავს თითოეული ადამიანის გამოხატვის თავისუფლებას, ან ის ყალიბდება უმრავლესობების ინტერესების დამცველ ხელისუფლებად, რომელსაც სხვა ენაზე ჰქვია ფაშისტური ხელისუფლება“, - განაცხადა გიორგი მშვენიერაძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან