რუსეთთან ურთიერთობების საკითხებში საქართველოს პრემიერ-მინისტრის სპეციალური წარმომადგენელი ზურაბ აბაშიძე აცხადებს, რომ ანაკლიის ღრმაწყლოვანი პორტის საკითხი მისი და რუსეთის საგარეო საქმეთა მინისტრის მოადგილის, გრიგორი კარასინის არცერთ შეხვედრაზე არ განხილულა.

„ანაკლიის პორტთან დაკავშირებით, საერთოდ, ეს თემა ჩვენს შეხვედრებზე არც დღეს არ განხილულა, არც წინა შეხვედრებზე, საერთოდ, ამაზე არ გვისაუბრია.  საერთოდ, რა კავშირი აქვს რუსეთს ამ პორტთან დაკავშირებით, ვერ გეტყვით”, - განაცხადა აბაშიძემ „რუსთავი 2“-თან ინტერვიუში.

რაც შეეხება კარასინის კომენტარს საქართველოს ნატო-ში გაწევრიანებასთან დაკავშირებით, აბაშიძე აღნიშნავს, რომ მუქარის შემცველი განცხადებები მიუღებელია.

„რაც შეეხება ჩვენს ურთიერთობებს ნატო-სთან, სხვა საერთაშორისო ორგანიზაციებთან, ეს არის ჩვენი სუვერენული უფლება და არჩევანი. როდესაც რუსეთის წარმომადგენლების მხრიდან კეთდება რაღაც განცხადებები მუქარის ტონით, ჩვენ ვთვლით, რომ ეს  ყოვლად მიუღებელია და ასეთი ტონით მეზობელ ქვეყანას არ უნდა ელაპარაკებოდე“, - განაცხადა ზურაბ აბაშიძემ.

ავტორი: ექსპრესნიუსი,

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა