ერევანში მიმდინარე აქციის მონაწილეები "თავისუფლების მოედანზე" „კარვების ქალაქის“ მოწყობას გეგმავენ.

აქციის ერთ-ერთმა ორგანიზატორმა, ვაგინაკ შუშანიანმა მომიტინგეებს ბაგრამიანის გამზირის დატოვებისკენ და "თავისუფლების მოედანზე" დაბრუნებისკენ მოუწოდა.

"ჩვენ არ გვინდა დაპირისპირება. დაურეკეთ თქვენს მეგობრებს, რომ ყველანი მოვიდნენ "თავისუფლების მოედანზე". ბრძოლა ჯერ არ დასრულებულა, თუმცა ჩვენ არ გვინდა დაპირისპირებები. ჩვენ მოედანზე შექმნით "კარვების ქალაქს" და დავრჩებით, ვიდრე ჩვენი მოთხოვნები არ შესრულდება. თუმცა, ისიც გაითვალისწინეთ, რომ ჩვენი მოთხოვნები უკვე სრულდება", - განაცხადა შუშანიანმა "თავისუფლების მოედანზე" სიტყვით გამოსვლისას.

პოლიციამ მომიტინგეებს ბაგრამიანის გამზირის დატოვებისაკენ არაერთხელ მოუწოდა. წინააღმდეგ შემთხვევაში აქციის მონაწილეებს ძალის გამოყენებით დაემუქრნენ.

მომიტინგეების ნაწილი უარს აცხადებდა მოთხოვნას დამორჩილებოდა და ტერიტორია დაეტოვებინა. აქციის ორგანიზატორებმა ისინი სიტუაციის პროვოცირების მცდელობაში დაადანაშაულეს.

ერევანში ელექტროენერგიის ტარიფის გაზრდის წინააღმდეგ საპროტესტო აქცია 19 ივნისს დაიწყო. გაძვირებული ტარიფი ძალაში 1-ელი აგვისტოდან შევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს