საქართველოს იუსტიციის სამინისტრომ ფოთში იუსტიციის სახლი ააშენა და ის გასახსნელად მზად არის.

უწყების ინფორმაციით, საზეიმო გახსნა 29 ივნისს იყო დაგეგმილი, თუმცა, თბილისში დატრიალებული ტრაგედიის გამო, იუსტიციის მინისტრმა გადაწყვიტა, რომ გახსნის ღონისძიება ერთი თვით გადაიდოს.

„ფოთში იუსტიციის სახლის მშენებლობა გასულ შემოდგომაზე დავიწყეთ. ჩვენ ფოთელებისთვის განსაკუთრებული გულისყურით ვარჩევდით დიზაინს და ვიფიქრეთ, რომ საქართველოს საპორტო ქალაქს თეთრი შენობა დაამშვენებდა. ეს ნაგებობა კანონის დაცვით აშენდა და იუსტიციის სამინისტროს სსიპ-ების საკუთარი შემოსავლებით დაფინანსდა. შესაბამისად, მასზე არც სახელმწიფო ბიუჯეტის თანხა დაგვიხარჯავს და, რა თქმა უნდა, არც რომელიმე ბიზნესმენი დაგვიშინებია, როგორც ეს ადრე ხდებოდა. შესაბამისად, ეს უკვე მეორე იუსტიციის სახლია ზუგდიდის მერე, რომელიც არა მხოლოდ კანონის დაცვით და ხარისხიანად აშენდა, არამედ ექსპლუატაციაშიც იქნება მიღებული მანამ, სანამ მასში თანამშრომლები და მოქალაქეები შევლენ. გვინდოდა იუსტიციის სახლის გახსნა ფოთელებისთვის დასამახსოვრებელი ზეიმი ყოფილიყო, თუმცა, დღეს მივიღე გადაწყვეტილება, რომ უბედურებების კასკადის გამო, რაც ჩვენს ქვეყანას დაატყდა თავს, გახსნის საზეიმო ღონისძიება ერთი თვით გადაიდოს. ვიცი, რომ ამ აზრს ბევრი ფოთელი გაიზიარებს“, − განაცხადა თეა წულუკიანმა.

ფოთის იუსტიციის სახლი 3 მილიონი ლარის ღირებულების ინფრასტრუქტურაა, რომლის შენებაც იუსტიციის სამინისტრომ 2014 წლის 17 ნოემბერს დაიწყო და ის ფოთელებს სამასზე მეტ სერვისს ერთი ფანჯრის პრინციპით სწრაფად და ხარისხიანად შესთავაზებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა